![Cara a cara #144: Cora Velasco](/radio/cache/scene/uploads/radio_emisions/foto/0ca/_S7QytKoutjK3UsovKMnMzytWsi62MjSzUqrKz891Lsov0DE1Nd_/_UxNjZWsq4FAA==_/5c51cd219f-dykhbgmxcaewtrt.jpg)
Cara a cara #144: Cora Velasco
Mér | 21:00 | 21:17
Antes Sayers e agora Velasco, o seu primeiro apelido. Antes composicións en inglés, agora composicións con letras máis longas, con especial atención ás rimas e que "reflicten o que son eu". Antes 'á súa bóla' e agora coa produción de Javier Andreu, quen "me sacou da miña zona de confort".
Falamos cunha Cora "moi emocionada, moi nerviosa e moi ilusionada" coa presentación que o vindeiro venres 1 de febreiro fará no Teatro Principal. Ás 21.00 horas ao prezo de dez euros a entrada. Polo momento, non hai máis concertos á vista "imos ir con calma, sen precipitacións e con paso firme".