La Cafetera 30abr2019
Mar | 08:30 | 10:22
Os focos tras o 28A están fixados na posición que adoptará o PSOE de Pedro Sánchez. Se se inclinará polo ‘con Rivera, non’ que lle gritaba a militancia en Ferraz ou polas presións das altas instancias de poder. As presións xa se fixeron evidentes sobre o líder do partido socialista, mesmo se fixeron públicas. Este luns o presidente da CEOE inclinábase publicamente por un pacto PSOE- Cidadáns, mentres os sindicatos UXT e CC. OO. chamaban a esixir un pacto “de esquerdas” nas manifestacións do 1 de maio, Día do Traballo. Con todo, os socialistas apostan por tentar un goberno en solitario. Así o dixeron Carmen Calvo e José Luís Ábalos ao ser preguntados por varios medios de comunicación. E Cristina Narbona informaba de que as negociacións se aprazarían ata despois das eleccións do próximo 26 de maio.
