Rumboia #206: Fol do Vento
Lun | 19:30 | 19:42
'O quiquiriquí', 'Cantos para o Nadal', 'Pelo gato' , '24' ou 'Trece lúas' foron propostas da Asociación de Gaiteiros Galegos para achegar a nosa tradición musical ás novas xeracións. Nesta mesma liña a Asociación Socio-Pedagóxica Galega editou 'Cancións para Antía', un traballo do grupo Fol do Vento que naceu coa intención de contribuír á galeguización do espazo vital da infancia, e achegando unidades didácticas para mestrado, pais e nais e para diferentes idades.
Editouse en 2009 e ten a canción, espazo privilexiado para combinar aprendizaxe a diversión. Conta con 17 pezas e todas as letras foron compostas por Xose Lois Seixo, agás 'O Carrizo', de Manuel Maria e 'O Peto', obra de Xabier Sesto Camino. A música foi composta por Xosé Lois Seixo e Xaquin Facal García e os arranxos son de Xacal Facal. É de destacar a colaboración do Coro De Nenos Cantores Da Orquesta Sinfónica de Galicia.