Rumboia #219: Bouba Pandeireteiras
Mar | 19:00 | 19:12
En 2007 na Pontraga xorde un grupo de mozas dispostas a tomar o legado dos máis lonxevos cantadores e bailadores da zona, para converterse en herdeiras e transmisoras desta enorme fonte de cultura para futuras xeracións. Así nace Bouba.
Bouba son festa, mulleres de terras de muiñeira cabalgada e pateado. Aprenderon o esquecido a forza de patada e trouxérono ata a actualidade para non deixalo marchar. A súa actividade musical e cultural cobre desde o lugar máis recóndito de Galicia ata os lugares máis afastados, onde a música galega é ben recibida e apreciada.