Rumboia #175: Saltanocribo
Mar | 20:30 | 20:42
Os músicos integrantes de Saltanocribo pasaron antes por diversas formacións, como A Quenlla, Xarín, Eoas, Gaiteiros do Incio e os grupos de música e baile tradicional das asociacións culturais sarriás Meigas e Trasgos e Peleriños. Todos eles estaban unidos pola inquedanza de remexer nas músicas de raiz, e pola ilusión de facer algo novo, abríndose a novas influencias, e na espera de gustar fundamentalmente a todos os que os escoitaran. No ano 2011 sacaron o seu primeiro traballo, bautizado co mesmo nome que o grupo, e nel inclúen arranxos tradicionais e creacións propias.