A playlist de... #149: Luis Zahera
Ven | 21:00 | 22:34
Luís Zahera recolleu estes días o Premio Cinema Galego no FICBUEU. Picheleiro, "de Compostela como dicía miña nai", do barrio da Estila. Compostelán e arousán, da Illa, de veciñanza adoptiva. Comezou con Vidal Bolaño e logo foron chegando personaxes que se converteron en alter egos de Zahera como Anselmo o carteiro, para Luar; ou Petróleo en 'Mareas Vivas'.
Recibiu este 2019 o Goya ao mellor actor de reparto. O seu papel de Cabrera en 'El reino' de Sorogoyen ben podería ser a antítese dunha ladaíña repetida na familia Castro Zahera: "tentar ser honrados. Sempre que podo reivindícoo, non saírse do parchís". O próximo ano poderase verlle na serie 'La Unidad' para a plataforma Movistar+, dirixida por Daniel de la Torre.