Militares da UME desinfectan as rúas de Pontevedra e controlan as saídas dos cidadáns
Medio cento de militares e dezaseis vehículos. Así é o despregamento que fixo a Unidade Militar de Emerxencias (UME) para controlar o cumprimento do estado de alarma na cidade de Pontevedra.
O batallón, que se desprazou á cidade galega desde León, terá como tarefas principais a desinfección de lugares públicos e controlar o desprazamento de persoas nas rúas para cumprir a orde de confinamento da poboación civil nas súas casas.
Os labores de desinfección, que comezaron esta mesma tarde, céntranse especialmente en lugares de maior concentración de persoas como a estación de ferrocarril, a contorna dos centros de saúde e hospitais ou centros de distribución de alimentos.
Os militares da UME súmanse así ao despregamento en Vigo de militares da Brilat, que realizan controis xunto á Policía Nacional e a Policía Local.
Uns noventa efectivos da brigada, que está reforzada con persoal e medios especializados en NBQ (nuclear, bacteriolóxico e química), repartíronse polas rúas da cidade, polo porto e por puntos sensibles para a poboación.
A subdelegada do Goberno en Pontevedra, Maica Larriba, agradeceu todo este despregamento militar e pediu "comprensión" á poboación ante as "incomodidades" que xera unha situación "necesaria" para evitar que se propague a enfermidade.
Relacionadas:
-
A UME, día a día "intenso" desde Figueirido para unha reacción rápida en caso de incendios forestais en toda Galicia
Por Natalia Puga & Cristina Saiz |
-
A Brilat retírase e da por finalizada a Operación Balmis de loita contra o coronavirus
Por Redacción |
-
VÍDEO.- Cuntis continúa coa desinfección dos principais lugares de paso
Por Redacción |
-
Desinfectan varios puntos do municipio de Cerdedo-Cotobade
Por Sara Iglesias |
-
A Brilat desinfecta o centro de saúde de Vilagarcía tras detectarse un brote de coronavirus
Por Natalia Puga |
-
A Escola Naval achega as súas instalacións para loitar contra a pandemia
Por Oskar Viéitez |
-
Deteñen un home por agredir cun pau a un militar da Brilat despregado pola alerta sanitaria
Por Redacción |
-
Os cidadáns tamén aplauden o traballo dos militares na cidade
Por Marisa Ciordia |
-
VÍDEO.- Así actúa a Unidade Militar de Emerxencias para desinfectar espazos de habitual presenza cidadá
Por Redacción |
-
A Brilat desprégase en "zonas sensibles" de Pontevedra en canto a tránsito de persoas
Por Natalia Puga & Diego Torrado | Creada e actualizada
-
Despregamento das Forzas Armadas para conter o coronavirus: a Brilat, a Vigo e A Coruña e a UME, a Pontevedra
Por Natalia Puga | Creada e actualizada