Despois do paso da fronte fría durante a madrugada, o mércores irá entrando o aire frío co avance da xornada. Así, os ceos estarán alternando nubes e claros, con chuvascos máis probables a partir do mediodía, que serán en forma de neve nos cumios máis altos. As temperaturas mínimas quedarán sen cambios significativos ou con lixeiros ascensos, mentres que as máximas descenderán lixeiramente. O vento soprará de compoñente oeste, con intervalos fortes á tarde no litoral norte.