A Deputación financiará a reforma da contorna de Portosanto, Saíñas e A Puntada
Por Redacción
O Concello de Poio vén de recibir 753.600 euros da Deputación de Pontevedra, a través do programa ReacPon (Reacciona Pontevedra), que serán investidos nun proxecto de mellora de mobilidade sostible na contorna de Portosanto, Saíñas e A Puntada, que son algúns dos núcleos principais da parroquia de San Salvador.
A achega realizada pola administración provincial servirá para custear o 80% do orzamento dunha actuación que está valorada en 942.000 euros. O 20% restante financiarase a través de fondos do Plan Concellos.
O concelleiro de Promoción Económica e Urbanismo, Gregorio Agís, visitou este martes algunhas das zonas que se verán beneficiadas grazas a estas obras, acompañado pola tenente de alcalde e delegada de Obras e Servizos Municipais, a tamén socialista Chelo Besada.
As obras irán encamiñadas á humanización e recuperación de diferentes espazos, nunha zona que "é de vital de importancia, xa que congrega varios servizos, equipamentos e puntos de interese, como son a Casa Museo de Colón, un área recreativa ou a escola infantil de Saíñas", lembrou Agís.
Unha vez se leve a cabo todo o proceso previo de licitación, os traballos terán un prazo de execución de catro meses. "As rúas pasarán a contar cunha maior seguridade para peóns e a veciñanza. Pasarase a limitar a velocidade a 30 quilómetros por hora e a dotar e renovar os servizos básicos nun tramo bastante extenso", indicou Gregorio Agís.
A solicitude de fondos de ReacPon foi aprobada pola Comisión de Urbanismo a finais do pasado mes de xullo cos votos en contra do Partido Popular. Segundo Agís, "é curioso como o grupo da oposición esixe constantemente actuacións, ao mesmo tempo que non dubida en poñer paus cando comproban que a xestión que se está a realizar é a correcta".
Relacionadas:
-
Comezan as obras de rehabilitación de Portosanto, Saíñas e A Puntada
Por Redacción |
-
Poio aproba o convenio para a mellora integral da contorna de Saíñas, A Puntada e Portosanto
Por Redacción |
-
A Casa Museo de Colón terá novo equipamento audiovisual, de eficiencia enerxética e xestión de residuos
Por Redacción |
-
Ana Pastor e Ángel Moldes defenden que unha saída da AP-9 en Portosanto sería "viable, económica e útil"
Por Redacción |
-
O PP de Poio solicita unha saída na AP-9 en Portosanto e a senda peonil entre A Seca e Combarro
Por Redacción |
-
Operarios municipais acometen a mellora da conexión entre A Freixa e A Ostreira
Por Redacción |
-
Medio millón dos fondos de reactivación da Deputación para humanizar a contorna do río Bermaña
Por Redacción |
-
Bueu reformará e ampliará a biblioteca Torrente Ballester
Por Redacción |
-
A concesión de 1,2 millóns euros da Deputación permite a acelerar o proxecto da nova biblioteca de Vilagarcía
Por Redacción |
-
Aumenta ata os 26,3 millóns de euros o plan provincial de reactivación para os concellos
Por Oskar Viéitez |