O PP de Poio solicita unha saída na AP-9 en Portosanto e a senda peonil entre A Seca e Combarro
Por Redacción
Os populares de Poio, con Ángel Moldes á cabeza, reuníronse esta semana cos deputados nacionais do partido, Ana Pastor, Javier Bas, Diego Gago e Juan Manuel Constenla, co fin de analizar a proposta para a saída da AP-9 á altura de Portosanto e a senda entre A Seca e Combarro.
Desde o PP explican que "a creación dunha nova saída da autoestrada AP-9 permitiría acceder directamente ao concello de Poio no lugar de Portosanto". Deste xeito, aínda que nese punto xa hai un carril de entrada á autoestrada que conecta coa PO-309, solicitan a construción dun "carril de deceleración na autoestrada e un vial que correría paralelo ao xa existente, conectándose coa PO-309".
O obxectivo desta nova saída é dar servizo directo á parroquia máis poboada de Poio e que ademais ten unha importante actividade pesqueira e de transporte.
A maiores desta saída, o Partido Popular de Poio quere que se constrúa unha senda entre A Seca e Combarro, o cal "sería moi importante para Poio e daría continuidade á que vai de Campelo á Seca".
Neste senso, Moldes insiste en que a continuidade desta senda "é clave" porque "permitiría maior seguridade peonil, axudaría a dinamizar outra parte de Combarro, axudaría a utilizar a zona da Seca como estacionamento para visitar Combarro e, sobre todo, unir Combarro coa Seca e con Campelo".
Relacionadas:
-
Esixen á Xunta un maior control das liñas de transporte escolar en Poio
Por Redacción |
-
Ana Pastor e Ángel Moldes defenden que unha saída da AP-9 en Portosanto sería "viable, económica e útil"
Por Redacción |
-
Besada e Agís impulsan ante Costas varios proxectos como a senda peonil entre Lourido e Pontevedra
Por Redacción |
-
A Deputación financiará a reforma da contorna de Portosanto, Saíñas e A Puntada
Por Redacción |
-
Ana Pastor censura a "tomadura de pelo" do Goberno de Pedro Sánchez con Pontevedra
Por Alejandro Espiño |
-
Habilitarán un aparcamento disuasorio en Valiña, no núcleo de San Salvador
Por Redacción |
-
Devolución das plusvalías, demanda do PP ao goberno local tras a sentenza do Tribunal Constitucional que as anula
Por Redacción |
-
O BNG de Poio reclama a humanización da PO-308
Por Oskar Viéitez | Creada e actualizada