![La trastienda #85](/radio/cache/scene/uploads/radio_emisions/foto/9be/_S7QytKoutjK3UsovKMnMzytWsi62MjSzUqrKz891Lsov0DE1Nd_/_UxNjZWsq4FAA==_/5af05244e6-20180507-patxot-radio-trastienda-1177.jpg)
La trastienda #85
Lun | 21:00 | 21:39
O Pontevedra deixou escapar a salvación ao non ser capaz de impoñerse a Unión Adarve e xogarao todo na última xornada de Liga no campo do Atlético de Madrid B, cun claro penalti que non sancionou o colexiado asturiano Jaime Ruiz Álvarez, no último suspiro, que podía supoñer a vitoria e a tranquilidade, e que vai traer cola, tras o reflectido no acta arbitral, denunciando a suposta "actitude agresiva e ofensiva" da presidenta granate, Lupe Murillo, cara ao colexiado. Analizamos o sucedido, as súas consecuencias e as opcións da xornada final, cos compañeiros xornalistas de Faro de Vigo, Diario de Pontevedra e PontevedraViva, Xaime Nogueira, Diego Espiño, Xurxo Gómez e Álex Dávila.