Yago Iglesias: "É o momento no que o equipo máis que nunca vai necesitar do colectivo"
Por Diego Espiño
Primeiro partido da segunda volta de liga o que afrontará este domingo 14 de xaneiro (17.00 horas) o Pontevedra Club de Fútbol no campo da Gimnástica de Torrelavega, equipo que venceu na primeira xornada do campionato no Estadio Municipal de Pasarón.
"Segue a ser o equipo que sorprendeu aquí", asegura o adestrador granate, Yago Iglesias, avisando que a pesar do seu mal momento e atoparse en postos de descenso "para min é unha saída complicadísima".
"Temos que vernos no espello da primeira volta, e é un partido que perdemos. O obxectivo é mellorar os números desa primeira volta", asegura o técnico do equipo pontevedrés.
Para iso, ante a chegada das baixas por sanción como as que terá esta fin de semana con Churre e Chiqui, "é o momento no que o equipo máis que nunca vai necesitar do colectivo", afirma en relación ás oportunidades que se abren a xogadores menos habituais para entrar no once.
En canto ao rival, que cambiou de adestrador en Nadal e que a última xornada contou con varias ausencias, as referencias son poucas para Yago Iglesias, polo que "esta semana sobre todo centrámonos en nós mesmos".
A Gimnástica, que nas últimas horas confirmou o seu primeiro reforzo coa contratación do centrocampista Chus Ruiz, afrontará pola súa banda o duelo co Pontevedra coas baixas por sanción de Unai, Álex Basurto e Josemi.
Este aspecto, a evolución dun mercado de fichaxes na que os rivais dos granates están a empezarse a mover, tamén foi valorado na súa comparecencia este venres por Yago Iglesias, insistindo en que no club de Pasarón "temos fichas sub-23 libres e estase a valorar esa opción", pero sempre "se atopamos algo que veña a axudar ou a mellorar. Antes de asinar calquera cousa é mellor quedar parado".
Relacionadas:
-
O Valladolid Promesas chega a Pasarón como "un dos mellores visitantes da categoría"
Por Almu Dapena |
-
Azael García, novo xogador do Pontevedra: "Veño coa mentalidade de xogar en Pasarón coa presión encima. Motívame"
Por Mónica Patxot & Anxo Lourido |
-
Agónico triunfo do Pontevedra en Torrelavega (1-2)
Por Almu Dapena |
-
Azael García ficha polo Pontevedra ata final de tempada
Por Almu Dapena |
-
Rufo queda sen un dos seus principais rivais polo 'pichichi' da Segunda RFEF
Por Diego Espiño |
-
O Pontevedra retoma as visitas escolares no CEIP San Benito de Lérez
Por Redacción |
-
Mesmo árbitro para o encontro entre Gimnástica de Torrelavega e Pontevedra
Por Diego Espiño |
-
Os rivais do Pontevedra móvense no mercado de inverno
Por Diego Espiño |
-
Marcos Barbeiro asoma a cabeza no Pontevedra "con ganas de mostrar o meu fútbol"
Por Diego Espiño |
-
Gimnástica de Torrelavega: De sorprender en Pasarón a caer en descenso e cambiar de adestrador
Por Diego Espiño |
-
Dobre baixa por sanción no Pontevedra para o desprazamento a Torrelavega
Por Diego Espiño |