Persoal de Ambulancias Civera péchase no Hospital Montecelo para denunciar impagos do salario
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
Creada e actualizada
Creada e actualizada
![](/web/cache/scene/uploads/fotos/foto/719/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b54b4b25-007.jpg)
© CIG
![](/web/cache/scene/uploads/fotos/foto/799/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b54b4a11-0018.jpg)
© CIG
![](/web/cache/scene/uploads/fotos/foto/547/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b54b4aae-004.jpg)
© CIG
![](/web/cache/scene/uploads/fotos/foto/0a5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b54b4a35-002.jpg)
© CIG
Continúa o conflito laboral en Ambulancias Civera, a empresa concesionaria do servizo de transporte sanitario programado e dos traslados intrahospitalarios na área sanitaria de Pontevedra e O Salnés.
Este mércores, desde primeiras horas da mañá, o persoal da empresa liderado por Xavier Aboi, secretario comarcal da FGAMT-CIG, concentrábase primeiro no exterior das instalacións hospitalarias coas ambulancias e, a continuación, encerrábanse nos corredores de acceso aos despachos da xerencia como medida de protesta.
Reclaman unha reunión urxente co xerente José Flores, para tratar de atopar unha solución á falta de pagamento do salario por parte da empresa que, segundo a CIG, só pagou unha parte da nómina do mes de decembro.
Xavier Aboi insiste en denunciar que Ambulancias Civera incumpre tanto o prego de condicións do concurso como o convenio colectivo. Afirma en que a dirección da empresa xa adiantou que non resolverá a débeda porque carece de cartos.
O persoal considera que a xerencia da área sanitaria e o SERGAS son cómplices desta situación e demandan unha intervención que permita rescatar a concesión do servizo. A empresa, pola súa banda, xa recoñeceu publicamente que o concurso do transporte sanitario "foi deficitario desde o principio".
Os empregados manifestábase con carteis denunciando a situación de impago: "Civera puferos, paga o que debes" e "Ambulancias Civera non paga. SERGAS cómplice", á espera dunha resposta por parte da dirección sanitaria.
REUNIÓN CO XERENTE
Finalmente o xerente José Flores recibía ao comité de empresa de Ambulancias Civera nun encontro "cordial", segundo a xerencia, cos traballadores, que lle manifestaron o malestar por non recibir o total de salario de decembro por parte da empresa concesionaria do transporte sanitario.
O xerente comprometeuse a comunicar, tanto por escrito como verbalmente, á empresa a obriga do pago das nóminas, tal e como figura no prego de condicións do contrato co SERGAS, e a velar polo estrito cumprimento do contrato. Flores explicou que Ambulancias Civera xa suma numerosas sancións por parte da administración autonómica ante o incumprimento do contrato.
Tras o encontro, o persoal mantivo unha asemblea ao redor das 14.00 horas ás portas do Hospital Montecelo. Nela decidían continuar coas protestas ata que non perciban a nómina completa, segundo informa a CIG.
Concentración do persoal de Ambulancias Civera no Hospital Montecelo
Denuncian impagos de salario por parte da empresa, que unicamente pagou unha parte do soldo do mes de decembro, segundo indican desde o sindicato CIG
© CIG
Relacionadas:
-
Convocan unha nova folga en Ambulancias Civera: "os compañeiros de coordinación conviven con ratas"
Por Anxo Lourido |
-
Volven as protestas laborais para reclamar a Ambulancias Civera que cumpra os acordos co Sergas
Por María José Pita & Mónica Patxot & Anxo Lourido | Creada e actualizada
-
Suspenden a folga en Ambulancias Civera
Por Anxo Lourido |
-
Convocada a folga indefinida en Ambulancias Civera a partir do martes 17 de xaneiro
Por Redacción |
-
Reclaman no Parlamento de Galicia a rescisión do contrato de Sanidade con Ambulancias Civera
Por Redacción |
-
Carmela Silva reclama a intervención do presidente da Xunta para resolver a "situación intolerable" da sanidade pública
Por Redacción |
-
Ambulancias Civera responde ás acusacións da CIG e admite que o concurso do servizo foi "deficitario desde o principio"
Por Redacción |
-
A CIG esixe o rescate da concesión do transporte sanitario programado de Pontevedra-O Salnés
Por Redacción |
-
Traballadores das ambulancias da área sanitaria Pontevedra-Salnés denuncian graves carencias no servizo
Por Mónica Patxot & María José Pita |
-
A CIG pide á Fiscalía que investigue a xestión do transporte sanitario na área de Pontevedra-O Salnés
Por Oskar Viéitez & Mónica Patxot |
-
Ambulancias Civera encargarase do transporte sanitario na área de Pontevedra e O Salnés
Por Redacción |