A falta de médicos no PAC provoca un Pleno Extraordinario no Concello de Caldas de Reis
Por Oskar Viéitez
O Concello de Caldas de Reis celebrou este martes un Pleno Extraordinario Urxente para tratar a continua falta de médicos no Centro de Saúde e Punto de Atención Continuada (PAC) de Caldas ao longo do último ano.
O alcalde de Caldas de Reis, Juan Manuel Rey, considera que esta situación "é un bochorno e demostra o fracaso absoluto da política de saúde do Partido Popular na Xunta de Galicia, cun investimento claramente insuficiente en atención primaria e na contratación de persoal sanitario".
Para o alcalde "a saúde é un dereito innegociable e non unha mercadoría como a considera o Partido Popular favorecendo á sanidade privada". Juan Manuel Rey asegura que as "políticas de recortes continuos e de precariedade laboral" aplicadas polos gobernos do Partido Popular "levaron á situación actual nos centros de atención primaria, e agora estao pagando toda a cidadanía, pero a máis vulnerable con maior gravidade".
O BNG CHAMA A "ENCHER AS RÚAS"
Ante a "deterioración" da asistencia sanitaria no concello de Caldas de Reis, o portavoz local do BNG, Manuel Fariña, chamou a "encher as rúas" o vindeiro domingo 20 de novembro participando na manifestación que percorrerá o centro urbano do municipio e finalizará ás portas do Centro de Saúde.
Fariña denuncia que "a atención sanitaria en Caldas vai de mal a peor", despois de que este luns e este domingo o PAC queda sen persoal facultativo, deixando a veciñanza "sen unha atención médica digna e de calidade".
"O que pasou este domingo xa non é unha excepción e pasou a converterse en algo habitual, derivando pacientes cara as urxencias de Montecelo e aumentando así o colapso dese servizo", afirma o portavoz nacionalista.
O servizo de Pediatría conta na actualidade só cunha pediatra para atender as crianzas dos concellos de Caldas, Cuntis, Moraña e Portas, "cando só o concello de Caldas precisaría de dous pediatras". Ademais, sinala que as baixas e as vacacións dos médicos de familia continúan sen cubrirse, incrementando o tempo de espera para conseguir unha cita e provocando que os pacientes acudan ao servizo de urxencia co seu consecuente colapso.
"Esta situación de ataques continuos á sanidade pública non se pode consentir por máis tempo", conclúe Manuel Fariña.
Relacionadas:
-
PSOE e PP únense no Parlamento de Galicia para pedir á Xunta que cubra as baixas de persoal sanitario en Caldas
Por Redacción |
-
O Consello de Colexios Médicos considera como "atallos ilegais" e "unha temeridade "deixar os PAC só con atención de enfermería
Por Diego Espiño |
-
Caldas inicia a tramitación das solicitudes de axuda para os desprazamentos e a atención sanitaria
Por Redacción |
-
"A política de recortes na sanidade pública por parte da Xunta de Galicia maltrata aos sanitarios e condena aos usuarios á morte por desatención"
Por Redacción |
-
Un día antes da concentración de protesta o Sergas cubre seis das sete prazas de medicina familiar no centro de saúde do Grove
Por Oskar Viéitez |
-
O número de ausencias de facultativos nos PAC da área sanitaria de Pontevedra é o máis elevado de Galicia
Por Anxo Lourido |
-
O goberno local de Pontevedra esixe á Xunta solucións para evitar que pedir cita médica sexa unha "odisea"
Por Redacción |
-
Caldas de Reis estala ante o enésimo día sen médicos no centro de saúde
Por Redacción |
-
Venres de horror no centro de saúde Virxe Peregrina ante a ausencia de médicos
Por Anxo Lourido & Mónica Patxot |
-
Dezaoito especialistas en atención primaria incorpóranse á área sanitaria
Por Oskar Viéitez |