O Consello de Colexios Médicos considera como "atallos ilegais" e "unha temeridade "deixar os PAC só con atención de enfermería
Por Diego Espiño
Desde o Consello de Colexios Médicos de Galicia aseguran estar a asistir "atónitos" á situación que se está vivindo nos Puntos de Atención Continuada (PAC) da Área Sanitaria de Pontevedra e O Salnés, nos que empeza a ser habitual non contar con médicos durante algunhas quendas deixando o servizo baixo a atención de persoal de enfermería, e a decisión da consellería de empezar a formar a este persoal de enfermería para actuar cando non haxa un facultativo no centro.
"Desde o punto de vista asistencial é unha temeridade que o persoal de enfermería asuma funcións médicas, cos efectos legais que diso poden derivarse a nivel de responsabilidade xurídica", avisa o Consello.
Ademais sinala que "dita medida non resulta axustada a dereito, por vulnerar diversas normas e ser contraria á xurisprudencia sobre a materia, ao concederse ao persoal de enfermería competencias que non están actualmente recollidas en ningunha norma vixente de rango legal, e que pertencen en exclusiva ao profesional médico".
Os colexios de médicos defenden que os equipos de atención primaria compostos por persoal médico e de enfermería foron a base do éxito da asistencia sanitaria durante anos e "separar a eses equipos supón unha clara diminución na calidade da atención aos pacientes".
Asegura o Consello de Colexios Médicos de Galicia ser coñecedor do problema existente pola falta de profesionais en determinadas especialidades, pero defende que non se deben tomar "atallos ilegais" para solucionalo.
Ante esta situación confirman ademais que "xa se presentaron demandas ante as autoridades xudiciais, para que estas decisións que non consideramos nin adecuadas nin legais, cheguen a implementarse".
Relacionadas:
-
Isidro Lago dimite como presidente do Consello Galego de Colexios de Médicos pola "ineficacia" de Sanidade ante o caos sanitario
Por Oskar Viéitez |
-
A CIG de Pontevedra esixe a convocatoria de todas as prazas de medicina de familia vacantes en Atención Primaria
Por Redacción |
-
Gemma Rodríguez, presidenta de AGEFEC: "unha enfermeira é capaz de atender e facer valoración do paciente para trasladalo ao médico"
Por Anxo Lourido & Mónica Patxot |
-
Montse Prado, do BNG, afirma que a área sanitaria de Pontevedra-O Salnés é o "banco de probas" do PP para desmantelar a sanidade
Por Anxo Lourido |
-
Denuncian o ataque de ansiedade sufrido por unha enfermeira tras quedar soa na atención do PAC de Marín
Por Diego Espiño |
-
"A política de recortes na sanidade pública por parte da Xunta de Galicia maltrata aos sanitarios e condena aos usuarios á morte por desatención"
Por Redacción |
-
Un día antes da concentración de protesta o Sergas cubre seis das sete prazas de medicina familiar no centro de saúde do Grove
Por Oskar Viéitez |
-
A falta de médicos no PAC provoca un Pleno Extraordinario no Concello de Caldas de Reis
Por Oskar Viéitez |
-
Caldas de Reis estala ante o enésimo día sen médicos no centro de saúde
Por Redacción |