A UNED abre o mes de xullo cos cursos de verán
Por Redacción
Os cursos de verán chegan este mes de xullo á UNED de Pontevedra baixo os temas 'Portadas de igrexas medievais no Camiño de Santiago: orixe e evolución dos programas figurativos monumentais' 'Economía Circular e Axenda 2030. Un camiño cara á sustentabilidade' e 'Quoi de neuf? Experiencias e propostas para a aula virtual de francés'.
Estas desenvolveranse no centro de Monte Porreiro desde o 6 ao 8 de xullo, ambos inclusive, e poderanse seguir de maneira presencial ou en liña, en directo ou en diferido.
A través do curso 'Portadas de igrexas medievais no Camiño de Santiago: orixe e evolución dos programas figurativos monumentais' mostrarán como utilizar diversas ferramentas de análises e comprensión das portadas do Camiño de Santiago á vez que se ofrecerán testemuños documentais e artísticos sobre estas portadas románicas e góticas que permitan comprender a transcendencia deste elemento na historia da arte posterior e o propio movemento xacobeo.
Estará dirixido por Inés Monteira Arias e coordinado por Miguel Larrañaga Zulueta; orientado especialmente cara a estudantes do Grao de Historia da arte, de Historia e Xeografía, ambién a profesores de Ensino Secundario nestas áreas, guías turísticos e persoas interesadas en ampliar coñecementos.
Outro dos cursos será o de 'Economía Circular e Axenda 2030. Un camiño cara á sustentabilidade', dirixido por Ester Méndez Pérez e coordinado por José Manuel Ferreiro Mendoza. Estará orientado cara a estudantes de calquera área de coñecemento; profesionais interesados na xestión da sustentabilidade; cidadáns implicados coa sustentabilidade e a responsabilidade ambiental e social e docentes de ensino primario, secundaria ou universitaria.
Con este curso a UNED quere dar a coñecer a Axenda 2030 e os 17 ODS coas súas metas; entender que é a Economía Circular e a súa relación coa Axenda 2030; comprender en que consiste a xestión da sustentabilidade desde o ámbito público; incidir no coñecemento da Axenda 2030 e da sustentabilidade desde a educación; mostrar algunhas iniciativas institucionais e marcar estratexias de sensibilización.
Por último poñerase en marcha o curso 'Quoi de neuf? Experiencias e propostas para a aula virtual de francés' baixo a dirección de Esther Juan Oliva e a coordinación de M. Mar Jiménez-Cervantes Arnao.
Neste caso, buscan reflexionar sobre o punto no que nos atopamos en relación co uso da tecnoloxía nas aulas de francés; presentar diversas experiencias levadas a cabo en diferentes contextos e analizar os procesos de innovación en relación coa tecnoloxía. Está especialmente dirixido a docentes de francés de diferentes ámbitos así como a estudantes ou calquera persoa interesada na ensino-aprendizaxe deste idioma.
Relacionadas:
-
Regresan no outono os cursos de extensión universitaria da UNED con máis de 150 opcións
Por Redacción |
-
A UNED clausura a VI edición do seu campus 'Inglés na miña contorna' celebrado en Portas
Por Redacción |
-
A Aula Universitaria de Portas acolle o curso da UNED titulado "Medios de comunicación e política"
Por Redacción |
-
Finalizados "con éxito" os cursos de verán da UNED
Por Redacción |
-
A UNED invita o presidente do Senado a asistir aos actos do 50 aniversario do Centro Universitario en Pontevedra
Por Redacción |
-
Finaliza o curso de envellecemento cognitivo impartido pola UNED de Pontevedra no Centro Penitenciario da Lama
Por Redacción |
-
O conselleiro Román Rodríguez apadriña a promoción do curso senior da UNED sobre Filosofía Española
Por Redacción |
-
A UNED presenta os seus oito Cursos de Verán que se desenvolverán en Pontevedra, A Lama, Lalín, Portas e Vigo
Por Oskar Viéitez & Mónica Patxot |