Finaliza o curso de envellecemento cognitivo impartido pola UNED de Pontevedra no Centro Penitenciario da Lama
Por Redacción
O curso de verán baixo o título "Envellecemento cognitivo: prevención da deterioración e intervención neuropsicolóxica" impartido pola UNED no centro penitenciario da Lama analizou do 27 ao 29 de xuño diversos factores relacionados coas capacidades cognitivas que van cambiando ao longo do ciclo vital, agudizándose a súa deterioración a través do envellecemento.
Entre os obxectivos que perseguía este curso intensivo estaban mostrar como as capacidades cognitivas cambian ao longo da vida, visibilizar algúns dos factores de protección do declive e da deterioración cognitiva no envellecemento, expoñer que se entende por regulación emocional e o benestar psicolóxico, dar a coñecer a avaliación neuropsicolóxica e as principais técnicas de neuroimaxen e mostrar o proceso de intervención psicolóxica para manter o estado cognitivo así como as implicacións xurídicas na deterioración.
Esta iniciativa formativa estival da UNED en Pontevedra estivo dirixida por Mª Carmen Díaz Mardomingo e coordinada por Jesús Gómez Garzás e durante a mesma os asistentes ao curso profundaron no estudo da deterioración do estado cognitivo, asociado a determinadas enfermidades que xorden nesta etapa da vida, que poden nalgúns casos previrse.
Segundo se desprende deste curso, a detección de factores de risco e a posta en marcha de hábitos saudables condicionan un bo estado cognitivo e o benestar emocional. "A avaliación neuropsicolóxica da memoria, a linguaxe, e outras capacidades así como a avaliación dos aspectos emocionais resulta imprescindible para implementar programas de intervención en función das necesidades individuais", segundo os responsables do curso.
Relacionadas:
-
A Aula Universitaria de Portas acolle o curso da UNED titulado "Medios de comunicación e política"
Por Redacción |
-
A UNED invita o presidente do Senado a asistir aos actos do 50 aniversario do Centro Universitario en Pontevedra
Por Redacción |
-
A UNED abre o mes de xullo cos cursos de verán
Por Redacción |
-
O conselleiro Román Rodríguez apadriña a promoción do curso senior da UNED sobre Filosofía Española
Por Redacción |
-
Un curso da UNED analizará en Pontevedra os cambios producidos pola última reforma laboral
Por Redacción |
-
Carmela Silva destaca o poder transformador do municipalismo no foro local pola Axenda 2030
Por Redacción |
-
A UNED presenta os seus oito Cursos de Verán que se desenvolverán en Pontevedra, A Lama, Lalín, Portas e Vigo
Por Oskar Viéitez & Mónica Patxot |