O presidente de Zona Franca ofrécese a participar na mesa sobre Ence e afirma que "non pode seguir na Ría de Pontevedra"
Por Mónica Patxot & María José Pita
O Consorcio Zona Franca de Vigo porá en marcha un Plan Estratéxico sobre Pontevedra e a súa comarca a partir dun estudo sobre as súas fortalezas e necesidades económicas e industriais "na procura de solucións para as empresas e para o emprego, co obxectivo de que Pontevedra saia desta crise reforzada e cun horizonte claro para tomar decisións fundamentais para o seu futuro", explicaba o presidente de Zona Franca, David Regades.
Este anuncio producíase trala reunión de traballo que mantivo o presidente de Zona Franca cos membros do Grupo Municipal do PSOE no Concello de Pontevedra: os concelleiros Tino Fernández, Yoya Blanco, Iván Puentes e Marcos Rey.
Neste contexto, David Regades ofreceu a súa colaboración para crear unha mesa sobre o futuro de Ence e a súa recolocación. "Unha clave témola decidida, que Ence non pode seguir na Ría de Pontevedra pero si ten que seguir na comarca de Pontevedra", afirmaba o delegado do Goberno na Zona Franca á vez que engadía que "hai que buscar unha ubicación para que non só se manteña o emprego, senón que ten que ser unha fábrica moderna, innovadora e que deixe máis valor engadido na cidade de Pontevedra e na comarca".
O presidente da Zona Franca criticou a pasividade da Xunta de Galicia ao non presentar un programa de actuación claro con respecto a Ence. Neste sentido, non entende que o Goberno autonómico deixe pasar a oportunidade histórica de beneficiarse dos "fondos de recuperación económica" para a reindustrialización que vai outorgar a Unión Europea para paliar as consecuencias da pandemia na actividade económica e que poderían ser clave para xestionar o traslado da fábrica de Lourizán.
Nesta mesma liña manifestábase o voceiro do Grupo Municipal do PSOE e tenente de alcalde, Tino Fernández, ao indicar que "é unha mágoa que dende a Xunta de Galicia non se teña pensado en Ence á hora de presentar eses proxectos" para captar fondos europeos.
"Nós reclamamos á Xunta que deixe de poñerse de perfil, que deixe de facer críticas e que asuma que ten as competencias en materia de Política Industrial e en Política Medioambiental, que aporte solucións, que plantexe ideas, que sente a negociar cando sexa convocada con boa vontade, non coa de boicotear nin sabotear, senón coa de asumir que estamos ante un problema que afecta a moitos traballadores e traballadoras e ao que lle temos que buscar unha solución", expoñía o voceiro do Grupo Municipal socialista.
Tino Fernández agradecía a disposición do presidente do Consorcio Zona Franca de Vigo a colaborar na mesa de negociación ao tempo que pedía o mesmo compromiso por parte da empresa e o Goberno galego. "Dende o Concello de Pontevedra, dende a Administración do Estado e dende Zona Franca estamos abertos a esa negociación con toda honestidade e con toda a boa vontade. Esperemos que dende a empresa e dende a Xunta estean nesa mesma liña", apuntaba Tino Fernández ao tempo que lembraba que a mesa de negociación fora unha proposta dos socialistas pontevedreses que "ninguén cría nela" e na actualidade "tras dous anos e medio perdidos, recoñécese que é a mellor solución".
Relacionadas:
-
Zona Franca analizará a economía de Arousa e O Salnés para propoñer unha folla de ruta na saída da pandemia
Por Oskar Viéitez |
-
O PP considera que o plan estratéxico para a cidade chega tarde e critica que se faga con Zona Franca de Vigo
Por Redacción |
-
O Concello de Pontevedra e Zona Franca elaborarán un plan estratéxico para a capital e a súa área
Por Oskar Viéitez & Mónica Patxot |
-
Transición Ecolóxica convoca para este mércores a mesa de traballo sobre o futuro de ENCE
Por Oskar Viéitez |
-
Os socialistas de Pontevedra piden a vacinación urxente das persoas con Alzhéimer
Por Redacción |
-
ENCE defenderá a continuidade da súa fábrica en Pontevedra aínda que recoñece "incertidumbres"
Por Alejandro Espiño |
-
Traballadores de Ence concéntranse fronte á Deputación durante a celebración do pleno
Por Manu Otero |
-
Lores asistirá "por cortesía" á mesa de traballo de ENCE pero non ve "imprescindible" a súa presenza
Por Alejandro Espiño |
-
Ence chega ao Parlamento: o PP di que non hai plan B para o emprego, o PSOE pide diálogo e o BNG, sacar a fábrica da ría
Por Manu Otero |
-
A corporación condena a "violencia" de ENCE e declara o seu presidente "non grato" en Pontevedra
Por Alejandro Espiño & Mónica Patxot |
-
O escrache ao alcalde por ENCE acaba nos xulgados
Por Alejandro Espiño |
-
Emprego en Galicia ou en Asturias: a decisión que, segundo a Xunta, debe tomar o Goberno sobre ENCE
Por Alejandro Espiño |
-
O goberno local pedirá a ENCE, Xunta e Estado que traballen no seu traslado: "Temos por diante 12 anos para conseguir ese obxectivo"
Por Diego Espiño & Mónica Patxot |
-
Plantean unha mesa de diálogo para resolver o futuro de ENCE
Por Redacción |