Preocupación polo incremento "constante" de pacientes covid nos hospitais de Pontevedra
Por Alejandro Espiño
O xerente da área sanitaria de Pontevedra e O Salnés, José Ramón Gómez, expresou este luns a súa preocupación ante o incremento "constante" de pacientes infectados con covid-19 nos hospitais de Pontevedra e O Salnés.
Os positivos, segundo o responsable de Sanidade, están aumentando "de maneira importante" en toda a área sanitaria e ese crecemento da incidencia "xa se está trasladando aos hospitais".
A día de hoxe, segundo os datos do propio Servizo Galego de Saúde, hai 77 pacientes ingresados nos hospitais. Trece deles, os máis críticos, están na UCI de Montecelo.
As plantas de hospitalización de Montecelo, o Hospital do Salnés e Quirón Salud Miguel Domínguez tamén teñen, segundo José Ramón Gómez, unha evolución "bastante desfavorable".
Hai 52 persoas hospitalizadas en planta de Montecelo, nove no Hospital do Salnés e tres en Quirón Salud, o único hospital privado da área sanitaria pontevedresa.
Ante esta situación e para evitar que novos contaxios colapsen a atención asistencial dos hospitais, o xerente insistiu en que a "única maneira" de controlar a pandemia é seguindo "estritamente" as medias de prevención e seguridade.
"Temos que quedar na casa e só saír para actividades esenciais", destacou Gómez, que pediu aos cidadáns que limiten as súas interaccións sociais aos conviventes.
Relacionadas:
-
A terceira onda segue desatada con outros 99 contaxios na área sanitaria
Por Oskar Viéitez |
-
Pontevedra, A Lama, Meis e Moraña pasan a nivel máximo de restricións
Por Redacción |
-
Unha muller de 57 anos, primeira falecida por covid en Montecelo sen que se lle coñeceran enfermidades previas
Por Redacción |
-
Detectan varios positivos de covid-19 no instituto de neuro-rehabilitación de La Merced
Por Alejandro Espiño |
-
Sanidade centrará no Vao o seu primeiro cribado masivo en Poio
Por Alejandro Espiño |
-
Preto de 200 persoas realizan probas PCR en Cuntis para detectar casos asintomáticos
Por Redacción |
-
Os contaxios, en cifras máximas con 125 casos novos na área sanitaria
Por Oskar Viéitez |