Os contaxios, en cifras máximas con 125 casos novos na área sanitaria
Por Oskar Viéitez
A área sanitaria de Pontevedra-O Salnés informou que nas últimas 24 horas rexistráronse 125 contaxios novos, co que se alcanzan os 1.088 casos activos.
Este luns, 18 de xaneiro, a área sanitaria mantén 64 pacientes de covid-15 ingresados en planta de hospitalización.
Concretamente están 52 pacientes no Complexo Hospitalario Universitario de Pontevedra, 3 no QuirónSalud Miguel Domínguez e 9 no Hospital do Salnés.
Tamén sobe a presión asistencial nas UCI con 13 pacientes críticos de coronavirus ingresados na Unidade de Coidados Intensivos do Hospital Montecelo.
Así mesmo, permanecen 1.011 casos covid evolucionando en domicilio.
Desde o inicio do plan de continxencia do Covid-19 curáronse 6.951 pacientes (20 máis que no día de onte) e faleceron por este virus na área sanitaria 91 pacientes, o último, este domingo en Montecelo, unha muller de 78 anos que presentaba patoloxías previas.
En canto a realización de PCR’ s, nas últimas 24 horas fixéronse 856, que se engaden ás 125.179 xa efectuadas desde o inicio da pandemia na área sanitaria de Pontevedra-O Salnés.
GALICIA
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 13.252, deles 3.346 son da área da Coruña, 1.146 da de Lugo, 1.830 da de Ourense, 1.088 da de Pontevedra, 2.452 da área de Vigo, 2.341 da de Santiago, e 1.049 da de Ferrol.
Do total de pacientes positivos, 104 están en UCI, 635 en unidades de hospitalización e 12.513 no domicilio. Polo de agora, en Galicia hai un total de 62.523 persoas curadas, rexistrándose 1.512 falecementos.
O número de PCR realizadas é de 1.250.540.
Relacionadas:
-
Pontevedra, A Lama, Meis e Moraña pasan a nivel máximo de restricións
Por Redacción |
-
Unha muller de 57 anos, primeira falecida por covid en Montecelo sen que se lle coñeceran enfermidades previas
Por Redacción |
-
Detectan varios positivos de covid-19 no instituto de neuro-rehabilitación de La Merced
Por Alejandro Espiño |
-
Preocupación polo incremento "constante" de pacientes covid nos hospitais de Pontevedra
Por Alejandro Espiño |
-
Preto de 200 persoas realizan probas PCR en Cuntis para detectar casos asintomáticos
Por Redacción |
-
Sanidade notifica nove vítimas de covid en Galicia este domingo, unha delas en Montecelo
Por Redacción |
-
Agrávase a situación da área sanitaria con 91 novos contaxios nas últimas 24 horas
Por Oskar Viéitez |