A Deputación anuncia accións xudiciais contra Ángel Moldes polas súas "gravísimas e calumniosas" declaracións
Por Redacción
O deputado de cooperación Carlos Font comunicou este xoves a decisión da Deputación de Pontevedra de emprender de forma inmediata accións xudiciais contra o voceiro do grupo provincial do PP, Ángel Moldes, "tras as graves calumnias e falaces acusacións ao goberno, ao abeiro do destino dos fondos do Plan DepoRemse".
Font sinalou que o executivo ao fronte da institución "non vai a consentir ningún outro intento obsceno do voceiro popular para danar a honra de funcionarios ou políticos da Deputación de Pontevedra", polo que esixe a Moldes "a inmediata rectificación e desculpas públicas ante a vergoñenta catarata de falsidades vertidas esta mañá nunha comparecencia pública".
O deputado provincial cualificou de "absolutamente falso que exista un só informe da xefa do servizo de Cooperación favorable á inclusión no Plan DepoRemse do proxecto do concello de Marín, tal e como afirmou Angel Moldes en varias ocasións durante a súa comparecencia, senón todo o contrario", dixo o voceiro do goberno.
Carlos Font engadiu que "do resto das lamentables declaracións do voceiro do Partido Popular nin sequera imos a contestar porque converter a política nun estercoleiro e espallar todo de lixo é a especialidade do PP, é unha das súas sinais de identidade".
Relacionadas:
-
Conclúe sen avinza o acto de conciliación entre a Deputación e Ángel Moldes
Por Oskar Viéitez |
-
Ángel Moldes critica o "reparto arbitrario" que fan Carmela Silva e César Mosquera cos fondos provinciais
Por Oskar Viéitez |
-
Pleno avinagrado na Deputación con críticas cruzadas pola adxudicación de fondos
Por Oskar Viéitez & Mónica Patxot |
-
Carmela Silva, ao PP: "Non vou a consentir nin unha calumnia máis. Decidirán os xulgados"
Por Alejandro Espiño | Creada e actualizada
-
Os populares critican que no Plan DepoRemse "o 75% dos proxectos de concellos do PP son excluídos"
Por Oskar Viéitez |
-
O Plan Deporemse reparte 11 millóns de euros entre 31 concellos "de todas as cores políticas"
Por Oskar Viéitez & Mónica Patxot |