O voto emigrante, que se contará o luns 26 de febreiro, non ameaza a maioría absoluta do PP
Por Alejandro Espiño
Aínda que nestas últimas semanas falouse moito do voto emigrante, o certo é que tras os resultados das eleccións deste 18F, a participación do chamado censo electoral de residentes ausentes (CERA) apenas terá incidencia.
Todo o voto remitido polos galegos residentes no estranxeiro, unhas 29.300 persoas en toda Galicia, o 6% do censo do voto CERA, contarase nas catro Audiencias Provinciais, entre elas a de Pontevedra, o vindeiro luns 26 de febreiro.
Había case medio millón de persoas con dereito a voto en Galicia a pesar de residir fóra de España, electores que nalgunha ocasión foron claves para outorgar algún escano a última hora. Pero, visto o visto, a maioría absoluta do PP non periga.
Os seus 40 deputados, dous por encima do que necesitaba para manter a súa hexemonía en Galicia, fan que os populares respiren tranquilos de fronte ao reconto do voto emigrante.
O único risco para o PP, aínda que resulte complicado, é que o PSOE lles poida arrebatar un deputado por Ourense, quedando a súa maioría en 39 e os socialistas subir ata os 10. A diferenza entre ambos, en favor dos populares, foi de apenas 112 votos.
No resto das provincias, o resultado saído das urnas este domingo é inamovible.
Para que o PSOE puidese conseguir o último escano repartido en Pontevedra, que foi para o PP, tería que sacar 6.450 votos máis que os populares entre os residentes ausentes.
Tampouco haberá cambios na Coruña e Lugo, onde os últimos deputados foron para o BNG. Os que máis preto están, tamén os socialistas, teñen unha desvantaxe de 9.511 e uns 3.000 votos respectivamente, algo que os emigrantes non poderán compensar.
Relacionadas:
-
Sen cambios nos 22 escanos de Pontevedra tras o reconto da diáspora: o PP, primeira forza e o BNG, segunda
Por Natalia Puga |
-
Todos pendentes do reconto de 8.826 votos da emigración na Audiencia de Pontevedra
Por Natalia Puga & Mónica Patxot |
-
Todo listo na Audiencia de Pontevedra para o reconto do voto emigrante
Por Redacción |
-
Como votou a cidade este 18F? O PP gañou en 90 mesas e o BNG nas 16 restantes
Por Alejandro Espiño |
-
Alfonso Rueda, convencido de que Galicia "le ha mandado un mensaje a España"
Por Oskar Viéitez |
-
Besteiro asume "sen paliativos" o resultado do PSOE: "Ningún cambio se consegue da noite para a mañá"
Por Alejandro Espiño |
-
O PP, primeira forza en 54 concellos de Pontevedra; o BNG, nos outros sete
Por Alejandro Espiño |
-
Sumar, Podemos e Vox quedan fóra do Parlamento, que abre as portas a Democracia Ourensana
Por Oskar Viéitez |
-
Ana Pontón: "Galicia xa cambiou. Esta campaña cambiouno todo e nunca nada volverá ser igual"
Por Natalia Puga |
-
Alfonso Rueda contén o tirón de Ana Pontón e revalida a maioría absoluta do PP en Galicia
Por Alejandro Espiño |