![Mentres isto dure #3: Praias seguras no verán da COVID19](/radio/cache/scene/uploads/radio_emisions/foto/3c2/_S7QytKoutjK3UsovKMnMzytWsi62MjSzUqrKz891Lsov0DE1Nd_/_UxNjZWsq4FAA==_/5ef0e6c1df-5ef0cd2124-barcala.jpg)
Mentres isto dure #3: Praias seguras no verán da COVID19
Lun | 21:00 | 21:36
Prevención é a máxima fundamental para que os bañistas gocen este verán - o verán da COVID19 -, das praias. E prevención tamén debe primar entre os profesionais do socorrismo. Con eses obxectivos ADEAC, a Asociación de Educación Ambiental e do Consumidor, presentaba xunto ás bandeiras azuis outorgadas para este 2020, a guía 'Servizos de socorrismo: adaptacións en prevención de rescate e primeiros auxilios fronte á COVID19'.
A guía é o resultado do traballo de catro profesionais entre os que está Roberto Barcala, profesor titular da Universidade de Vigo, investigador e experto en prevención, técnicas de rescate e RCP, ademais de coordinador do Grupo Rendemento e Motricidad en Salvamento e Socorrismo (REMOSS). Con el falamos de praias seguras, das medidas adecuadas para a seguridade dos socorristas, dos bañistas e para o bo uso dos areais.