A loita feminina entra en escena no Campionato do Mundo Sub-23
Por Diego Espiño & Mónica Patxot
A emoción do Campionato do Mundo Sub-23 de Loitas Olímpicas avanza sen descanso no Pavillón Municipal dos Deportes de Pontevedra.
Este mércores 19 de outubro viviuse a estrea das primeiras categorías de loita feminina xunto ás roldas finais da grecorromana.
Gran parte dos focos e as miradas enfocaban cara á xaponesa Yui Susaki, estrela indiscutible dos campionatos como vixente campioa mundial absoluta e olímpica no seu peso de 50 quilos. A nipoa, que aspira en Pontevedra a conseguir o 'Grand Slam' da loita coa medalla que lle falta, non defraudou avanzando con autoridade ata a final da súa categoría prevista para este xoves.
Susaki venceu con contundencia a Shahana Nazarova (Acerbaixán) e Sarra Hamdi (Tunes) na xornada matinal para avanzar ás semifinais da tarde, nas que se desfixo tamén pola vía rápida da italiana Emanuela Liuzzi para quedar a só un paso do título mundial sub-23, o que lle falta no seu incrible palmarés.
A actividade dos mundiais continuará este xoves coa estrea da gran esperanza galega na competición, Nerea Pampín, deportista bolseira no Centro Galego de Tecnificación Deportiva e que se medirá no seu primeiro combate a Nigar Mirzazada (Acerbaixán), bronce no último Europeo Sub-23, coa esperanza de poder pelexar polos postos de honra.
Relacionadas:
-
Pontevedra clausura os mundiais de loitas despois de quince intensos días
Por Redacción & Cristina Saiz |
-
Nerea Pampín queda sen opcións de bronce ao ceder na repesca do Mundial Sub-23
Por Diego Espiño & Mónica Patxot |
-
Yui Susaki, un ciclón deportivo que inscribiu a Pontevedra nos libros de historia da loita mundial
Por Diego Espiño |
-
Nerea Pampín, á repesca no Mundial Sub-23 de Loita
Por Diego Espiño |
-
Voluntarios, servizos, infraestruturas... o que non se ve dos mundiais de loita de Pontevedra
Por Diego Espiño & Mónica Patxot |
-
Pontevedra inaugura o Mundial Sub23 de Loita mirando cara ao futuro: "Agardamos acoller algún Europeo absoluto"
Por Diego Espiño & Mónica Patxot |
-
España pecha o Mundial de grappling e grappling-gi con 44 medallas
Por Redacción |
-
Choiva de medallas para España nas primeiras xornadas dos mundiais de loita
Por Manu Otero |
-
Yui Susaki, unha campioa olímpica e mundial que busca en Pontevedra o 'Grand Slam' da loita
Por Diego Espiño |
-
Nove mundiais, setenta países e 1.100 deportistas para "o evento de loita máis importante da nosa historia"
Por Manu Otero & Mónica Patxot |