Pontevedra inaugura o Mundial Sub23 de Loita mirando cara ao futuro: "Agardamos acoller algún Europeo absoluto"
Por Diego Espiño & Mónica Patxot
Despois de só un día de descanso a actividade internacional de loitas olímpicas regresou este luns ao Pavillón Municipal dos Deportes de Pontevedra.
O Campionato do Mundo Sub-23 de Loitas Olímpicas (libre e grecorromana) tomou a testemuña da competición de Grappling disputada a pasada semana. Por diante sete xornadas de emocións fortes ata o peche do campionato, previsto para o vindeiro domingo 23 de outubro.
Con preto de 60 países representados, os mundiais sub-23 estrenararon a súa actividade coa modalidade de loita grecorromana en cinco pesos (55, 63, 87 e 130 quilos).
Despois chegarán os combates de loita libre masculina e feminina, con especial atención o vindeiro xoves 20 de outubro coa gran esperanza no Mundial da loita galega e española, Nerea Pampín, a deportista de Vila de Cruces que adestra a diario no Centro Galego de Tecnificación Deportiva e que foi quinta no último Europeo Sub-23.
En canto á xornada inaugural, a actividade iniciouse xa de mañá coas roldas clasificatorias, antes da cerimonia oficial de inauguración celebrada á primeira hora da tarde e que deu paso ás primeiras semifinais, nas que non houbo presenza de ningún deportista español.
Unha cerimonia oficial en todo caso coa vista posta cara ao futuro, e é que Pontevedra non se conforma con converterse estes días en sede do maior evento do ano, por número de deportistas, da Federación Internacional de Loita (United World Wrestling). "Dentro de dos años volveremos a Pontevedra con un Mundial Júnior", lembrou na súa intervención o presidente da Federación Española, Francisco Javier Iglesias, secundado nas súas declaracións polo alcalde, Miguel Anxo Fernández Lores, ao sinalar dirixíndose aos deportistas que "agardo que esteades a gusto na nosa cidade e que poidades volver dentro duns anos sendo seniors, xa que agardamos acoller algún Campionato de Europa Absoluto".
Todo iso porque na Boa Vila "seguimos candidatándonos a campionatos de cada vez maior categoría, porque Pontevedra é unha cidade do deporte", defendeu o rexedor acompañado doutras autoridades como o deputado provincial de Deportes, Gorka Gómez, o concelleiro de Deportes, Tino Fernández, e representantes tanto da Xunta de Galicia como da Federación Internacional.
Relacionadas:
-
Recepción municipal á Selección Feminina de Loita U15, concentrada en Pontevedra
Por Redacción |
-
Pontevedra clausura os mundiais de loitas despois de quince intensos días
Por Redacción & Cristina Saiz |
-
Nerea Pampín queda sen opcións de bronce ao ceder na repesca do Mundial Sub-23
Por Diego Espiño & Mónica Patxot |
-
Yui Susaki, un ciclón deportivo que inscribiu a Pontevedra nos libros de historia da loita mundial
Por Diego Espiño |
-
Nerea Pampín, á repesca no Mundial Sub-23 de Loita
Por Diego Espiño |
-
A loita feminina entra en escena no Campionato do Mundo Sub-23
Por Diego Espiño & Mónica Patxot |
-
Voluntarios, servizos, infraestruturas... o que non se ve dos mundiais de loita de Pontevedra
Por Diego Espiño & Mónica Patxot |
-
España pecha o Mundial de grappling e grappling-gi con 44 medallas
Por Redacción |
-
Choiva de medallas para España nas primeiras xornadas dos mundiais de loita
Por Manu Otero |
-
Yui Susaki, unha campioa olímpica e mundial que busca en Pontevedra o 'Grand Slam' da loita
Por Diego Espiño |
-
Nove mundiais, setenta países e 1.100 deportistas para "o evento de loita máis importante da nosa historia"
Por Manu Otero & Mónica Patxot |
-
Pontevedra, preparada para ser sede da loita mundial durante as próximas dúas semanas
Por Redacción |
-
Os mundiais de loitas olímpicas e Grappling traerán a 1.100 deportistas de 80 países a Pontevedra durante dúas semanas
Por Manu Otero |