Tres novas renovacións de golpe no Arosa: Adrián Gómez, Sidibé e Javi Fontán

Por Redacción
A ritmo frenético, así comezou o Arosa a planificación da próxima tempada, na que volverá competir en Terceira División pero aspirando alto.
O club arlequinado volveu anunciar de golpe varias renovacións, facendo que o equipo que adestrará de novo Rafa Sáez empece a tomar forma.
Trátase de Adrián Gómez, Javi Fontán e Oumar Sidibé.
O caso de Sidibé é especial, e é que o centrocampista leva dúas tempadas en branco debido a unha grave lesión de xeonllo. Con todo, recuperado desde princicpios de ano, o Arosa faille de novo un sitio no equipo confiando en que recupere a súa mellor versión.
Adrián Gómez pola súa banda cumprirá a súa segunda campaña na Lomba. O lateral chegou ao club tras xogar catro campañas seguidas en Segunda B entre Pontevedra e Rápido de Bouzas.
Por último Javi Fontán afrontará o seu cuarto curso en Vilagarcía, o terceiro no primeiro equipo tras aterrar no seu momento no xuvenil.
Os seus nomes únense aos outros futbolistas renovados ata a data, é dicir, a Julio Rey, Sergio Cotilla, Róber Fernández e Pedro García.
Relacionadas:
-
O Arosa ficha ao exgranate Campillo para apontoar a súa defensa
Por Redacción |
-
O Arosa ficha a Fajardo e Ross do Arenteiro, recupera a Pillado e pesca ao xuvenil Piay
Por Redacción |
-
Manu Rodríguez, Iago Martínez e Trapero despídense do Arosa
Por Redacción |
-
O Arosa renova a Mon e Pacheco despídese por traballo
Por Redacción |
-
O Arosa mantén o bloque: Javi Otero, Joel Sanabria e Manu Táboas tamén renovan
Por Redacción |
-
Julio Rey, Rober Fernández, Sergio Cotilla e Pedro García estrean as renovacións no plantel do Arosa
Por Redacción | Creada e actualizada
-
Rafa Sáez e o Arosa volverano tentar xuntos
Por Redacción |
-
O Arosa queda ás portas da final polo ascenso tras caer ante o Ourense por 2-1
Por Almu Dapena |