35 chefs, que suman 14 Estrellas Michelín, figuran no cartel do ShowRocking do PortAmérica
Por Redacción
O evento gastronómico ShowRocking converterase, un ano máis, noutro dos principais alicientes do festival PortAmérica, que desenvolverá a súa undécima edición na Azucreira de Portas durante os días 13, 14 e 15 de xullo.
Martina Puigvert Puigdevall, Diego Guerrero, Francisco Ruano e Luciana Berry, entre outros chefs, súmanse á lista de personalidades expertas na creación culinaria que estarán presentes nesta iniciativa.
A organización xa pechou o cartel gastronómico coa confirmación de 35 chefs que, en total, suman 14 Estrelas Michelín.
Entre as últimas confirmacións figura Martina Puigvert Puigdevall, xefa de cociña en Lles Cols, que xa se converteu nun referente a pesar da súa mocidade con dúas Estrelas Michelín e unha Estrela Verde; Francisco Ruano (Alcalde), un chef da gran estética da cociña moderna mexicana cun carácter rebelde e perfeccionista; Diego Guerrero (Dspeak) regresará a PortAmérica cunha proposta baseada no produto local e de tempada; Iván Domínguez (Nado) caracterízase pola sinxeleza na preparación e define a súa cociña como Atlántica; e Luciana Berry, chef gañadora do Top chef Brazil 2020 e directora dun exitosos cátering en Londres.
Tamén destacan Lara Roguez (Abarike), que á fronte do seu restaurante en Xixón converteuse nunha defensora do produto do mar; Álvaro Fuentes (Mexoleira Praia); Anxo Trives (Hostal A Viuda); María Cambeiro e Alberto Cruz (Landua), procedentes de Mazaricos; e Pablo Lens, de Santiago de Compostela.
Os 35 chefs estarán comisionados por Pepe Solla, como vén sucedendo desde a primeira edición. O ShowRocking de PortAmérica é Premio Fest 2015, 2017, 2018 e 2022 á mellor zona gastronómica.
As entradas para esta edición xa están dispoñibles a través da páxina web de PortAmérica.
Relacionadas:
-
Milleiros de persoas vibran ao ritmo da segunda xornada do PortAmérica
Por Cristina Saiz & Redacción |
-
Quique González, Deluxe, Guitarricadelafuente, Ysy A e Second abren por todo o alto un novo PortAmérica
Por Alejandro Espiño & Cristina Saiz |
-
Este xoves comeza PortAmérica con máis do 90% da capacidade da Azucreira de Portas vendida
Por Redacción |
-
Rías Baixas Fest 2023 ofrece propostas de ocio espectaculares ata o 10 de setembro
Por Mónica Patxot & Anxo Lourido |
-
Molotov cancela a súa xira europea e cae do cartel do PortAmérica
Por Alejandro Espiño |
-
Así será, día a día, a oferta musical do festival PortAmérica 2023
Por Alejandro Espiño |
-
Máis de mil árbores plantadas nos montes de Romai baixo a iniciativa 'Una entrada, un árbol' de PortAmérica
Por Álvaro Arosa Barco |
-
Portas volve a asumir o custe das entradas do PortAmérica para a mocidade do municipio
Por Redacción |
-
Novas caras para PortAmérica: Sebastián Yatra, Nicki Nicole, Deluxe, Loquillo, MClan ou Guitarricadelafuente
Por Alejandro Espiño |
-
O festival PortAmérica volve reforestar Portas coa iniciativa "Unha entrada, unha árbore"
Por Alba Feijoo Alonso |
-
Jorge Drexler, Molotov, Bad Gyal, Second e La M.O.D.A., entre os 25 confirmados para PortAmérica 2023
Por Alejandro Espiño |