Jorge Drexler, Molotov, Bad Gyal, Second e La M.O.D.A., entre os 25 confirmados para PortAmérica 2023
Por Alejandro Espiño
Tras as pistas que foron avanzado a través de redes sociais, PortAmérica comezou a desvelar os nomes das bandas, artistas e cociñeiros que formarán parte da súa edición para 2023, prevista para os días 13, 14 e 15 de xullo no recinto da Azucreira, en Portas.
Ata 25 actuacións musicais e 14 chefs nacionais e internacionais integran este primeiro avance do cartel dun festival que, un ano máis, unirá ambas as beiras do Atlántico coa súa imbatible proposta de música, gastronomía e natureza.
Jorge Drexler, os mexicanos Molotov, Bad Gyal ou as bandas 'indie' Second e La M.O.D.A. son cinco dos principais concertos que ofrecerá PortAmérica 2023.
A eles sumaranse Carlangas, exlíder de Novedades Carminha, Dani Fernández, Marilia Monzón, os grupos Muerdo, Flecha Valona e Sexy Zebras ou, dentro da música urbana, Pole e o dúo que forman Funzo & Baby Loud.
Á 'cota' americana do festival sumaranse o cantautor Gustavo Santaolalla, o rapero Ysy A, Bándalos Chinos e Conociendo Rusia, todos eles chegados desde Arxentina, os mexicanos Silvana Estrada, Centavrvs e Son Rompe Pera, o rapero colombiano Nanpa Básico ou os estadounidenses Orkesta Mendoza.
Grande Amore, o dúo electrónico Galician Army ou os DJ da Duendeneta son, por agora, os representantes galegos na oferta musical de PortAmérica.
CATORCE COCIÑEIROS PARA O SHOWROCKING
E se a música é importante dentro da programación de PortAmérica, non menos atractiva é a súa oferta gastronómica, a coñecida como ShowRocking. As cociñas, que estarán capitaneadas por Pepe Solla, confirmaron aos primeiros 14 donos dos seus fogóns.
Repetirán algúns dos habituais como Andoni Luis Aduriz (Mugaritz), Javi Olleros (Culler de Pau), Begoña Rodrigo (La Salita), Edgar Núñez (Sud777), Maca de Castro (Maca de Castro), Vicky Sevilla (Arrels) ou Héctor López (España).
Xunto a eles cociñarán os galegos Xosé Magallaes y Lydia del Olmo (Ceibe), Diego Novas (El Olivo), a colombiana Catalina Vélez (Domingo de Vereda) ou os mexicanos Fabián Delgado (Palreal) e Tomás Bermúdez (La Docena).
Os abonos para esta edición 2023 de PortAmérica xa están á venda en portamerica.es a un prezo de 65 euros máis gastos de xestión.
Relacionadas:
-
Molotov cancela a súa xira europea e cae do cartel do PortAmérica
Por Alejandro Espiño |
-
35 chefs, que suman 14 Estrellas Michelín, figuran no cartel do ShowRocking do PortAmérica
Por Redacción |
-
Así será, día a día, a oferta musical do festival PortAmérica 2023
Por Alejandro Espiño |
-
Novas caras para PortAmérica: Sebastián Yatra, Nicki Nicole, Deluxe, Loquillo, MClan ou Guitarricadelafuente
Por Alejandro Espiño |
-
Bad Gyal e La M.O.D.A., primeiras confirmacións do PortAmérica?
Por Diego Espiño |
-
PortAmérica pon data á súa edición de 2023: 13, 14 e 15 de xullo
Por Alejandro Espiño |
-
PortAmérica, Río Verbena, Revenidas, SonRías Baixas e FERVE Estrella Galicia, nominados aos Iberian Festival Awards
Por Alejandro Espiño |