O BNG presenta a Fran Leiro como candidato á Alcaldía de Sanxenxo
Por Redacción
O próximo domingo día 2 de abril, as 12 da mañá, na casa mariñeira en Portonovo, terá lugar a presentación de Fran Leiro, candidato do BNG á Alcaldía de Sanxenxo.
O acto comezará coa intervención de Sandra Fernández Agraso a anterior candidata que pásalle a responsabilidade a Fran Leiro tras catro anos na oposición sendo a portavoz do grupo municipal.
Continuará coa quenda de intervencións Montse Prado, deputada no parlamento galego, representante do Salnés e tras ela intervirá Ana Miranda, europarlamentaria. Por último falará Fran Leiro, candidato á Alcaldía.
Francisco Leiro naceu en Portonovo hai 46 anos, onde reside actualmente xunto coa súa parella, a súa filla e o seu fillo; fala inglés, galego e castelán fluídos e desenvolvese en finés entre outros.
É enxeñeiro superior de telecomunicación, fixo o Erasmus en Finlandia e dende fai máis de 8 anos traballa como enxeñeiro nunha empresa de Vigo.
Comezou compaxinando os seus estudos co traballo na fábrica de xeo da familia en Portonovo, e ten traballado como enxeñeiro para o Centro Tecnolóxico de Automoción de Galiza e para a Universidade de Santiago de Compostela.
"Coñezo a realidade do noso concello, tanto no ámbito administrativo como no socioeconómico, e vou da man dunha política coherente e responsábel, como é a política do BNG. Estou preparado para afrontar esta nova etapa, e quero contar coa participación e respaldo dos veciños e veciñas", asegura Leiro.
Relacionadas:
-
Filgueira afirma que a candidatura do BNG en Cerdedo-Cotobade ofrece "traballo, diálogo e xestión"
Por Redacción |
-
Lucía Santos presume do "equipazo" que presenta o BNG de Marín
Por Redacción |
-
Abraldes, na busca dunha nova maioría para que Barro "non sufra un retroceso"
Por Redacción |
-
O BNG adianta seis novos nomes da súa candidatura á alcaldía de Moraña