Piratas a babor e estribor na noite máis divertida e bandida
Por Mónica Patxot & Anxo Lourido
Benito Soto, o sanguinario pirata da Moureira, coa tripulación do Burla Negra volvía converterse en referencia durante a serán deste martes de Entroido no centro histórico de Pontevedra.
A festa iniciábase ás 17.00 horas cunha sesión pirata infantil na Praza da Ferrería. A música e os disfraces corsarios foron protagonistas da tarde.
Non era máis que un aperitivo para a cita central desta xornada, o desembarco pirata que recrea a invasión en Pontevedra do exército inglés e francés, expulsados da cidade polo pirata da Moureira, Benito Soto.
A principal novidade deste ano, o adianto horario deste desfile polo centro histórico, que pasou a ser ás oito da tarde, permitiu que centos de nenos puidesen gozar deste espectáculo.
Os tres barcos, o Burla Negra de Benito Soto, o Morning Star inglés -que tiña a unha muller como capitá- e o Trois Mers francés, repartíronse por diferentes espazos da zona vella para animar esta Noite Pirata, ata que todos eles atopáronse para recrear a batalla que acabaría por expulsar aos exércitos invasores.
Todo iso acompañado por animación polas rúas, sen que faltase moito redobre de tambores, lume e diversión a cargo da asociación Combrus, Troula e Vamos a Todo. Milleiros de persoas, moitas delas disfrazadas para a ocasión, seguiron as recreacións que se desenvolvían arredor dos barcos polas distintas rúas e prazas.
Xa ás 21.30 horas, o grupo vigués Broken Peach iniciaba o seu concerto máis bandido no escenario da praza da Ferrería ofrecendo as súas características coreografías.
Durante a noite, os pasacalles pirata invadían o centro histórico coa participación de Solfamidas, Os da Caña, Las Flores del Carnaval, Os Miúdos, As Sonecas, Os Paparrulos, Os Canecos e Os 100Tolos facendo eterna unha das noites máis divertidas do ano.
Relacionadas:
-
Ravachol arde para poñer fin ao Entroido 2023 en Pontevedra
Por Cristina Saiz & Anxo Lourido |
-
A Mostra da Parodia recolle con retranca a compra de Santa Clara, as galas no rural ou as partidas de petanca
Por Mónica Patxot & Redacción |
-
Os do Val do Lérez gañan o concurso de murgas
Por Mónica Patxot & Oskar Viéitez |
-
Tarde de festa infantil en Monte Porreiro para celebrar o Entroido
Por Redacción |
-
Máis de 60 locais participarán do Entroido coa festa 'Os Xoves da Pasarela'
Por Redacción |
-
As murgas tiran de arte e enxeño para animar o Entroido pontevedrés coa súa retranca
Por Alejandro Espiño & Mónica Patxot |
-
Ravachol preséntase no 2023 como paciente dun PAC da área sanitaria e morrerá sen que o vexa un médico
Por Mónica Patxot & Anxo Lourido |
-
Dez murgas, a polo cetro de 'retranqueiros' do Entroido pontevedrés
Por Redacción |
-
Un multitudinario desfile de Entroido enche as rúas de Pontevedra de música, cor, fantasía e retranca
Por Alejandro Espiño & Cristina Saiz |