Dez murgas, a polo cetro de 'retranqueiros' do Entroido pontevedrés
Por Redacción
Chega unha das citas máis esperadas do Entroido de Pontevedra. Este luns arranca no Pazo da Cultura unha nova edición, a número 31, do concurso de murgas.
Nesta ocasión, serán dez a agrupacións que competirán nun certame que, ano tras ano, confirma que ten numerosos adeptos.
Cinco delas serán as que mostren os seus disfraces e as súas coplas na primeira semifinal deste luns, que se celebrará a partir das nove da noite.
Serán Val do Lérez, Os Arrombados, Janas de Leria, Murga do Naveiro e Equipo Ja, os gañadores do último ano.
Para o mércores, día no que se celebrará a segunda semifinal, quedarán outras cinco murgas: Eléctricas PTV, Os Barallocas, A Tropa de Moncha A Caralla, Leña Verde e Os da Prensa.
De entre as dez agrupacións, o xurado elixirá as cinco mellores, que competirán na final prevista para o vindeiro xoves 23 de febreiro, ás nove da noite.
A programación do Entroido para este luns incluirá ademais, ás cinco da tarde na Praza de Curros Enríquez, un obradoiro infantil de creación de máscaras.
Logo, a Boa Vila vivirá un dos seus momentos máis representativos do seu Entroido, coa chegada do loro Ravachol ata a recreación da botica de Perfecto Feijoo.
A figura creada pola Asociación Recreativa de Xeve permanecerá neste lugar ata o seu velorio e posterior queima na Praza da Ferraría. A presentación de Ravachol, ás 19:30 horas, contará coa actuación do grupo Lerçe.
Relacionadas:
-
Equipo Ja, Val do Lérez, A Tropa de Moncha A Caralla, Leña Verde e Eléctricas PTV, á final do concurso de murgas
Por Alejandro Espiño |
-
Piratas a babor e estribor na noite máis divertida e bandida
Por Mónica Patxot & Anxo Lourido |
-
Máis de 60 locais participarán do Entroido coa festa 'Os Xoves da Pasarela'
Por Redacción |
-
As murgas tiran de arte e enxeño para animar o Entroido pontevedrés coa súa retranca
Por Alejandro Espiño & Mónica Patxot |
-
Ravachol preséntase no 2023 como paciente dun PAC da área sanitaria e morrerá sen que o vexa un médico
Por Mónica Patxot & Anxo Lourido |
-
Un multitudinario desfile de Entroido enche as rúas de Pontevedra de música, cor, fantasía e retranca
Por Alejandro Espiño & Cristina Saiz |
-
Xa está aquí o Entroido, "unha semana a todo meter onde a carallada é a protagonista"
Por Alejandro Espiño & Mónica Patxot |
-
O Entroido de 2023, "o máis esperado dos últimos anos" en Pontevedra
Por Álvaro Arosa Barco |