Tarde de festa infantil en Monte Porreiro para celebrar o Entroido
Por Redacción
O centro cultural de Monte Porreiro foi o escenario da festa infantil coa que toda a rapazada puido gozar do Entroido. Foi un evento organizado pola asociación de palilleiras A Fieitiña, en colaboración con diversas entidades do barrio.
Entre outras actividades, houbo música a cargo de Migallas Teatro, unha sesión de globoflexia coa ANPA Os Campos, un obradoiro de pintado de caras coa Sociedade Deportiva de Monte Porreiro e Pinceladas Creativas ou partidos de tenis de mesa co equipo de Monte Porreiro.
O Pontevedra Rugby Club, pola súa banda, ofreceu chocolate de balde para os asistentes, mentres que a comisión de festas do Bo Pastor animou a festa con DJ Manu e vendeu bebidas frías e quentes e postes típicos do Entroido para recadar fondos para as festas do barrio.
Tamén colaboraron coa festa O Rinconcito de Nieves, librería do barrio, coa elaboración das bolsas de caramelos aos máis pequenos ou a ANPA Luis Seoane, a ANPA O Miradoiro, o Club Rítmica Xiada e o Club Taekanart, que decoraron o local e supervisaron o evento.
A festa resultou todo un éxito, segundo a organización, con máis de 300 rapaces e rapazas, e alongándose ata máis alá do horario previsto.
"Enorgullecémonos de ter unido a tantas entidades para o goce de moitísimos nenos e nenas do barrio", destacou a presidenta da Fieitiña, Esperanza Marín.
Relacionadas:
-
A Mostra da Parodia recolle con retranca a compra de Santa Clara, as galas no rural ou as partidas de petanca
Por Mónica Patxot & Redacción |
-
Equipo Ja, Val do Lérez, A Tropa de Moncha A Caralla, Leña Verde e Eléctricas PTV, á final do concurso de murgas
Por Alejandro Espiño |
-
Piratas a babor e estribor na noite máis divertida e bandida
Por Mónica Patxot & Anxo Lourido |
-
As murgas tiran de arte e enxeño para animar o Entroido pontevedrés coa súa retranca
Por Alejandro Espiño & Mónica Patxot |
-
Ravachol preséntase no 2023 como paciente dun PAC da área sanitaria e morrerá sen que o vexa un médico
Por Mónica Patxot & Anxo Lourido |