Elaboradas as bases do plan provincial de axudas polas inundacións dos temporais
Por Redacción
A Deputación de Pontevedra enviou unha carta informativa aos municipios da provincia para transmitirlle a colaboración desde a institución que preside Carmela Silva para acollerse ás axudas complementarias destinadas a cubrir os gastos provocados polas inundacións derivadas dos temporais que se rexistraban nos meses de decembro e xaneiro.
Nas misivas informan de que os servizos técnicos da Deputación xa elaboraron as bases do plan provincial e dos fondos necesarios para estas axudas.
Segundo se recolle nos escritos, a Deputación só está pendente de que a Xunta de Galicia aprobe a declaración de Emerxencia de Interese Galego e emita o Decreto das axudas autonómicas, que lle corresponde como administración con competencias exclusivas da Lei de Emerxencias de Galicia.
Carlos Fon, deputado de Réxime Interior, Economía e Facenda, invita os municipios a "tomar as medidas oportunas" fronte á "inacción da Administración autonómica" e lembra que a Xunta ten a obriga legal de poñer en marcha a declaración de emerxencia galega e o decreto de axudas.
Sinala que o organismo provincial se mantén pendente de que a Xunta enumere os municipios afectados por estas inundacións, tal e como establece a Lei de Emerxencias de Galicia. Lembra tamén que o pleno da Deputación chegou a un acordo unánime o 27 de xaneiro, co voto favorable do PP, que se trasladou ao presidente do executivo galego, Alfonso Rueda.
Nese acordo instábase á Xunta a aplicar a normativa e emitir un informe sobre os danos rexistrados nas catro provincias galegas e solicite ao Goberno estatal a aprobación da declaración de Zona Afectada Gravemente por Emerxencia de Protección Civil. Naquela moción tamén se recollía a elaboración do plan complementario de axudas que a Deputación xa elaborou, segundo indican desde a institución que preside Carmela Silva.
Relacionadas:
-
PON 2030, o novo plan da Deputación para "dotar de recursos extraordinarios aos concellos"
Por Oskar Viéitez |
-
Seis millóns de euros en recursos da Deputación destinados a concellos, asociacións e colectivos
Por Oskar Viéitez |
-
Caldas, en alerta pola crecida do Umia, que xa provocou inundacións
Por Redacción |
-
Activan a alerta por inundaciones na conca do Lérez ao superarse o nivel de desbordamento
Por Redacción |
-
As intensas choivas provocan o sexto desbordamento do Gafos desde outubro
Por Redacción |
-
A xornada máis chuviosa do últimos tres anos en Pontevedra
Por Diego Espiño | Creada e actualizada
-
Novas inundacións na avenida Dona Urraca de Caldas de Reis
Por Redacción |
-
VÍDEO.- Caldas, anegada pola borrasca, con rúas, vivendas e comercios cheos de agua e un coche atrapado
Por Natalia Puga | Creada e actualizada