As "moi malas" condicións meteorolóxicas "seguramente" influíron no sinistro de Cerdedo
Por Alejandro Espiño
A falta dunha investigación "exhaustiva" por parte da Garda Civil, o presidente da Xunta de Galicia, Alfonso Rueda, afirmou que "seguramente" influiría no accidente do autobús en Cerdedo-Cotobade as "moi malas" condicións meteorolóxicas que había onte á noite.
"Sempre é tremendo falar dun accidente así pero en datas como esta é máis dantesco", subliñou Rueda, que este domingo quixo achegarse ata o lugar do sinistro, en Pedre, para interesarse polos labores de rescate.
Para aclarar o accidente, "cuxas causas non sabemos con certeza" segundo o presidente galego, será clave a operación para retirar o autobús do río Lérez, algo que as autoridades tratarán de facer nas próximas horas.
O titular da Xunta sostivo que "o lóxico" será retiralo con guindastres de gran tonelaxe desde a ponte pola que caeu o autocar, pero para iso "hai que ver se a estrutura é segura e aguanta ese peso, senón haberá que buscar outra fórmula".
Sexa como sexa, a prioridade dos equipos de emerxencias é localizar aos desaparecidos que aínda non foron localizados, tres segundo os últimos cálculos das autoridades, que cifraron en nove o número de persoas que viaxaban no interior do autobús.
Dúas delas, o condutor e unha pasaxeira, foron rescatadas con vida e atópanse ingresadas en senllos hospitais "fóra de perigo", indicou Alfonso Rueda, mentres que se logrou recuperar o cadáver doutros catro viaxeiros, o último deles xa en augas do propio río.
"Hai que seguir buscando ao resto", sentenciou Rueda, que quixo ofrecer as súas condolencias ás familias das vítimas, moitas das cales están a ser atendidas no lugar do accidente por un equipo de psicólogos especializados en catástrofes.
Ademais, o presidente galego agradeceu o traballo que están a realizar os integrantes do operativo de rescate, fundamentalmente o persoal de emerxencias e as forzas e corpos de seguridade do Estado, xa desde onte sábado.
En plena Noiteboa, dixo, "había moita xente traballando aquí" e foi a súa rápida reacción, tras recibir unha chamada desde o interior do autobús, o que permitiu que sobrevivisen dúas persoas, algo que polas características do sinistro asegura que é "incrible".
Relacionadas:
-
Unha prenda pendurada dunha árbore, testemuña muda da dor en Pedre
Por Natalia Puga |
-
A traxedia de Pedre, agora pendente da complicada tarefa de rescatar o autobús da auga
Por Natalia Puga |
-
Tres días de loito oficial en Cerdedo-Cotobade en memoria das vítimas do autobús
Por Alejandro Espiño |
-
Cinco galegos e unha muller peruana, as vítimas mortais do autobús accidentado en Cerdedo
Por Alejandro Espiño |
-
Seis mortos e dous superviventes, o tráxico balance do autobús que caeu ao Lérez na Noiteboa
Por Alejandro Espiño |
-
Localizan nunha zona "de moi difícil acceso" unha quinta vítima mortal do autobús de Cerdedo
Por Alejandro Espiño |
-
Un cuarto viaxeiro falecido, recuperado do río a uns 500 metros do autobús
Por Alejandro Espiño |
-
As autoridades elevan a nove o número de persoas que ían no autobús que caeu ao Lérez
Por Alejandro Espiño |
-
Atopan o corpo sen vida dunha tercera pasaxeira do autobús accidentado en Cerdedo
Por Alejandro Espiño |
-
Jorge Cubela, tras o accidente do autobús: "É a desgraza máis grande que podíamos sufrir"
Por Alejandro Espiño |
-
O autobús sinistrado en Cerdedo caeu 40 metros ata acabar somerxido no Lérez
Por Alejandro Espiño |
-
Noiteboa negra en Cerdedo: dous mortos e tres desaparecidos tras caer un autobús ao Lérez
Por Alejandro Espiño | Creada e actualizada