Atopan o corpo sen vida dunha tercera pasaxeira do autobús accidentado en Cerdedo
Por Alejandro Espiño
O operativo de rescate despregado en Cerdedo-Cotobade tras o accidente do autobús que caeu ao río Lérez na zona de Pedre logrou recuperar, sobre as once da mañá, o corpo sen vida dun terceiro pasaxeiro do autocar sinistrado.
Trátase dunha muller cuxo cadáver se atopaba aínda dentro do autobús, segundo informou o 112 Galicia.
Membros do grupo especial de actividades subacuáticas da Garda Civil, os coñecidos como GEAS, foron os que localizaron o corpo desta terceira vítima mortal, que xa foi retirada do vehículo.
As autoridades traballan coa información de que no autobús viaxaban entre seis e oito persoas -sete segundo relatou o propio condutor-, polo que continúan as tarefas de procura de, polo menos, outros dous viaxeiros desaparecidos.
Mentres os mergulladores da Garda Civil e os bombeiros continúan traballando no lugar no que caeu o vehículo da empresa Monbus, que cubría a linea Lugo-Vigo, xa comezou tamén a procura dos desaparecidos por terra e aire.
Así, equipos a pé percorren as marxes do río Lérez para rastrexar as beiras e, ao mesmo tempo, un helicóptero do servizo aéreo da Garda Civil peiteará todo o curso fluvial para tratar de localizar ás vítimas que aínda non puideron ser rescatadas.
O balance provisional que deixa este tráxico accidente é de tres mortos e, polo menos, dous desaparecidos máis. Outras dúas persoas, o condutor e unha das pasaxeiras, foron rescatadas con vida e foron trasladados a senllos centros hospitalarios.
Relacionadas:
-
Tres días de loito oficial en Cerdedo-Cotobade en memoria das vítimas do autobús
Por Alejandro Espiño |
-
Cinco galegos e unha muller peruana, as vítimas mortais do autobús accidentado en Cerdedo
Por Alejandro Espiño |
-
Seis mortos e dous superviventes, o tráxico balance do autobús que caeu ao Lérez na Noiteboa
Por Alejandro Espiño |
-
Localizan nunha zona "de moi difícil acceso" unha quinta vítima mortal do autobús de Cerdedo
Por Alejandro Espiño |
-
Un cuarto viaxeiro falecido, recuperado do río a uns 500 metros do autobús
Por Alejandro Espiño |
-
As "moi malas" condicións meteorolóxicas "seguramente" influíron no sinistro de Cerdedo
Por Alejandro Espiño |
-
As autoridades elevan a nove o número de persoas que ían no autobús que caeu ao Lérez
Por Alejandro Espiño |
-
Jorge Cubela, tras o accidente do autobús: "É a desgraza máis grande que podíamos sufrir"
Por Alejandro Espiño |
-
O autobús sinistrado en Cerdedo caeu 40 metros ata acabar somerxido no Lérez
Por Alejandro Espiño |
-
Noiteboa negra en Cerdedo: dous mortos e tres desaparecidos tras caer un autobús ao Lérez
Por Alejandro Espiño | Creada e actualizada