O autobús sinistrado en Cerdedo caeu 40 metros ata acabar somerxido no Lérez
Por Alejandro Espiño
Pasados dezanove minutos das nove da noite, o 112 Galicia recibiu unha chamada. Unha persoa alertaba de que a barreira de protección da ponte de Pedre, en Cerdedo-Cotobade, estaba completamente esnaquizada. Iso só pasaría se un vehículo caese por alí.
Era o inicio dun rescate que as autoridades definen como "complexísimo". Un autobús de Monbus, que cubría a liña Lugo-Vigo, saíu da vía e, tras caer desde a ponte durante uns 40 metros -segundo os cálculos da Garda Civil-, acabou mergullado no río Lérez.
Durante horas, xa entrada a madrugada, o dispositivo despregado logrou rescatar con vida a dúas persoas, o condutor do autobús e unha pasaxeira, mentres que outros dous viaxeiros foron achados xa falecidos. Polo menos outras tres persoas seguen desaparecidas.
Os dous sobreviventes foron evacuados ao Hospital Clínico de Santiago -o condutor- e a Montecelo, en Pontevedra, segundo informan fontes do 112 Galicia.
As tarefas de rescate tiveron que suspenderse polas malas condicións: un elevado caudal do Lérez, moita corrente e un nivel de auga no interior do autocar que xa tocaba o teito do vehículo. Retomáronse este domingo.
ACTUALIZACIÓN: Retómase o operativo de busca.
— 112Galicia (@112Galicia) December 25, 2022
No punto traballan:#BombeirosDeza, @emerx_aestrada, Protección Civil de Cerdedo-Cotobade, Grupo de Rescate en Altura e Acuático da @guardiacivil e GEAS pic.twitter.com/fyMUtW25wA
Bombeiros e efectivos de grupos de emerxencias volveron ao escenario dos feitos, Pedre, para proseguir coa procura. Probablemente, uniranse máis medios e recursos, pois seguramente se necesite inspeccionar o leito do río e as súas marxes.
Alí, ademais dos bombeiros, están a traballar efectivos do grupo de rescate en altura e acuático e dos GEAS da Garda Civil, persoal sanitario do 061, o GES da Estrada e Protección Civil de Cerdedo-Cotobade.
Está prevista a saída do helicóptero Pesca 1 dos Gardacostas de Galicia, en canto mellore o tempo e instalouse un posto de mando avanzado, albergue e anfibio, que inclúe expertos do grupo de intervención psicolóxica en catástrofes do Colexio de Psicoloxía de Galicia.
Para acceder ata o vehículo, os bombeiros tiveron que empregar unha liña de vida, para suxeitarse desde o punto máis elevado da ponte e poder acceder ata o autobús.
Houbo, ademais da chamada que alertaba do accidente, unha segunda comunicación telefónica cos servizos de emerxencias. Esta vez, desde o interior do autocar.
Desta maneira, coñecéronse novos datos, como que o traxecto que seguira o vehículo da empresa Monbus ou que, tras caer, ao río o habitáculo comezouse a encher de auga. Sobre o número total de pasaxeiros, pouco se puido precisar, entre seis e oito.
Relacionadas:
-
A traxedia de Pedre, agora pendente da complicada tarefa de rescatar o autobús da auga
Por Natalia Puga |
-
Tres días de loito oficial en Cerdedo-Cotobade en memoria das vítimas do autobús
Por Alejandro Espiño |
-
Cinco galegos e unha muller peruana, as vítimas mortais do autobús accidentado en Cerdedo
Por Alejandro Espiño |
-
Seis mortos e dous superviventes, o tráxico balance do autobús que caeu ao Lérez na Noiteboa
Por Alejandro Espiño |
-
Localizan nunha zona "de moi difícil acceso" unha quinta vítima mortal do autobús de Cerdedo
Por Alejandro Espiño |
-
Un cuarto viaxeiro falecido, recuperado do río a uns 500 metros do autobús
Por Alejandro Espiño |
-
As "moi malas" condicións meteorolóxicas "seguramente" influíron no sinistro de Cerdedo
Por Alejandro Espiño |
-
As autoridades elevan a nove o número de persoas que ían no autobús que caeu ao Lérez
Por Alejandro Espiño |
-
Atopan o corpo sen vida dunha tercera pasaxeira do autobús accidentado en Cerdedo
Por Alejandro Espiño |
-
Jorge Cubela, tras o accidente do autobús: "É a desgraza máis grande que podíamos sufrir"
Por Alejandro Espiño |
-
Noiteboa negra en Cerdedo: dous mortos e tres desaparecidos tras caer un autobús ao Lérez
Por Alejandro Espiño | Creada e actualizada