750.000 euros de subvencións Ágora irán destinados a gañar espazo público e crear novas sendas peonís
Por Redacción
Está previsto que este venres a Xunta de Goberno da Deputación de Pontevedra aprobe a segunda fase de axudas da Rede Ágora que, segundo o deputado de Mobilidade e Espazo Público, Uxío Benítez, permitirá desenvolver 76 proxectos de mellora de espazos urbanos de estancia, sendas peonís e ciclistas, peonalizacións e outro tipo de melloras de calidade urbana en 28 municipios da provincia.
Segundo a estimación que se realiza desde o ente provincial, espérase gañar preto de 105.000 metros cadrados de espazo público e construír máis de 13,5 quilómetros de sendas peonís e ciclistas. As subvencións superan os 750.000 euros e súmanse aos 305.000 euros outorgados no mes de outubro. Tamén se aprobará unha nova convocatoria de subvencións na que se repartirán outros 900.000 euros de fondos provinciais.
Benítez destaca a elevada resposta dos concellos para apuntarse a estas convocatorias da Deputación ao apostar polo modelo Ágora e entender que o espazo público é un dereito das persoas como eixo da mobilidade e da planificación urbana.
O deputado de Mobilidade afirmou que dos 31.101 metros cadrados peonís previos nas zonas de actuación pasarase a 135.853 metros cadrados, o que significa recuperar as dimensións de ao redor de vinte campos de fútbol para a mobilidade das persoas fronte aos automóbiles.
Tamén se construirán sendas peonís cunha lonxitude total de 13.599 metros lonxitudinais en nove dos 28 concellos da provincia grazas a estas axudas.
A Xunta de Goberno apoiará, entre outros, tres proxectos en Cerdedo-Cotobade; un en Ponte Caldelas, dentro da comarca de Pontevedra; tres en Meis, un en Sanxenxo, tres en Vilagarcía e un en Meaño, que se unen aos dous aprobados xa para O Grove no Salnés. Tamén Marín contará co visto e prace para dous proxectos, mentres que Bueu e Vilaboa serán subvencionados cada un cunha axuda para outras tantas propostas.
Ante este interese que detecta o goberno provincial, o deputado Uxío Benítez afirma que se volverá a abrir un novo prazo de presentación de solicitudes con máis de 900.000 euros para proxectos que se presenten á convocatoria.
Relacionadas:
-
Pontón celebra a aposta de Bueu por unha "mobilidade amable" a pesar da "inacción" da Xunta
Por Redacción |
-
Uxío Benítez cifra en 5,3 millóns o investimento realizado para recuperar espazo público na provincia
Por Redacción |
-
Responsables da Deputación de Cádiz visitan Pontevedra para coñecer o modelo de mobilidade do Plan Ágora
Por Oskar Viéitez & Mónica Patxot |
-
Máis provincias do Estado importan o modelo de recuperación do espazo público a Rede Ágora
Por Redacción |
-
A rede Ágora da Deputación: a revolución do espazo público para as persoas na provincia
Por Noticia patrocinada |
-
Aprobado un investimento de 770.000 euros para mellorar dúas estradas provinciais en Vilanova e O Grove
Por Oskar Viéitez |
-
Os proxectos do modelo Ágora en O Grove, Sanxenxo ou Ponte Caldelas, exemplos en Mallorca
Por Redacción |
-
A Deputación divulga o 'Modelo Ágora' na Universidade Politécnica de Cartagena
Por Redacción |
-
A Rede Ágora repartirá outros 1,96 millóns para recuperar espazos públicos e crear sendas peonís
Por Redacción |
-
A Deputación aproba a creación da rede Ágora para impulsar a ampliación do espazo peonil
Por Redacción |