A cafetería da Praza da Liberdade será reformada para acoller un local social que xestionará a Federación Castelao
Por Oskar Viéitez
O Concello de Pontevedra encargou ao estudo NAN Arquitectos a redacción do anteproxecto para reformar o local municipal da Praza da Liberdade, que hai anos funcionou como cafetería.
A portavoz do goberno local de Pontevedra, Anabel Gulías, comentou que a proposta "fainos ilusión" despois dos intentos errados de sacar a concesión este equipamento como negocio de hostalería, "as veces que o tentamos quedou deserto e isto fíxonos estudar outros posibles usos".
Dada a zona céntrica na que se sitúa, o goberno local considera unha "moi boa idea" habilitar un novo local social para o goce dos veciños. Xestionaríao a Federación Castelao que deixaría a súa actual sede na rúa Gagos de Mendoza, xusto debaixo da Praza da Liberdade que regresaría a mans do Concello que o empregaría como almacén.
Á Federación Castelao a actual sede quédaselle "pequena" polo que desde o goberno municipal "entendemos que esta cesión vai ser altamente positiva".
Ademais de encargar o anteproxecto deste local de 130 metros cadrados, "que está en bo estado", o Concello de Pontevedra tamén encargou a NAN Arquitectos "a reordenación da praza, de todos os seus espazos verdes lindeiros" coa idea de que a praza sexa unha continuación do propio local social "onde a xente desfrute e poida ter estancias longas como nun punto de encontro do barrio".
Neste proxecto o Concello quere contar coa opinión veciñal polo que abrirá un proceso de participación e consulta para recoller achegas e suxerencias.
Relacionadas:
-
A Asociación de Veciños Castelao quere a Rafa Domínguez como presidente da Deputación
Por Manu Otero |
-
Así proxectan reformar a praza da Liberdade
Por Redacción |
-
Queren converter a Praza da Liberdade nunha zona verde axardinada
Por Alejandro Espiño |
-
O PP pide a "posta a punto" da cafetería da Praza da Liberdade, en estado "calamitoso"
Por Redacción |
-
A zona cero da praza da Liberdade segue a deteriorarse á espera da reapertura da súa cafetería
Por Manu Otero & Mónica Patxot |
-
O Concello prevé contratar unha empresa para xestionar a cafetería da Praza da Liberdade
Por Alejandro Espiño |
-
Queda deserta a adxudicación da cafetería da Praza da Liberdade
Por Alejandro Espiño |
-
Unha soa empresa opta a reabrir a cafetería da praza da Liberdade
Por Natalia Puga |
-
Novo intento para abrir a cafetería da Praza da Liberdade: propoñen contrato a 15 anos
Por Alejandro Espiño |