Lores, sobre o soterramento dos pasos a nivel dos Praceres: "vai empeorar o estado da praza"
Por Natalia Puga
A licitación da obra de supresión dos pasos a nivel do tren na praza dos Praceres non cambia a postura do Concello de Pontevedra contra esta actuación. Este luns que o Boletín Oficial do Estado (BOE) publica o anuncio do Administrador de Infraestruturas Ferroviarias (ADIF) para licitar a obra por 8,9 millóns, o alcalde capitalino, Miguel Anxo Fernández Lores, lembrou que a súa postura é "sempre a mesma".
"Esta obra vai empeorar o estado da praza dos Praceres", asegurou en declaracións aos medios de comunicación en Estribela, a pouca distancia da zona de actuación.
A solución licitada pasa por soterrar os tres pasos a nivel en execución da sentenza que ilegaliza os pasos do ferrocarril por esta praza da parroquia de Lourizán.
A obra chega 18 anos despois da primeira sentenza que en 2004 condenou á Administración Xeral do Estado, e cando a resolución xudicial xa é firme por parte do Tribunal Supremo.
Agora que a supresión será unha realidade, Lores sinalou que "non estamos dacordo con este proxecto que fixo o ministerio", en alusión ao actual Ministerio de Transportes, e advirte que ao soterrar os pasos vanse "inundar".
O alcalde insiste en que "hai que facer todo o que se poida facer para que o paso do tren afecte o mínimo posible" e este proxecto agora licitado non o fai, senón que "vai empeorar", de maneira que "non ten a anuencia do Concello de Pontevedra".
Esta solución chega tras dúas décadas de batalla xudicial entre o entón Ministerio de Fomento e os veciños desta parroquia pontevedresa, que contaron co apoio do Concello de Pontevedra.
Relacionadas:
-
Adif iniciará en xuño as obras para eliminar os pasos a nivel en Praceres
Por Oskar Viéitez |
-
"Non á desfeita nos Praceres": Pontevedra rexeita as expropiacións para suprimir os pasos a nivel
Por Redacción |
-
O Concello achega novos informes contra os túneles para peóns na praza de Os Praceres
Por Redacción |
-
Sae a licitación por 10,8 millóns de euros a supresión dos pasos a nivel na Praza dos Praceres
Por Oskar Viéitez |
-
O PP sinala que é o PSOE quen debe dar explicacións polos pasos subterráneos deseñados polo Goberno central na Praza de Praceres
Por Oskar Viéitez |
-
Malestar no Concello polo informe favorable da Xunta ao soterramento dos pasos a nivel nos Praceres
Por Oskar Viéitez |
-
Adif propón suprimir os pasos a nivel nos Praceres e o Concello considérao "unha traizón aos veciños"
Por María José Pita |
-
Os veciños volven esixir nos tribunais o cumprimento da sentenza que ilegaliza os pasos a nivel dos Praceres
Por Natalia Puga |
-
O Supremo confirma enterrar os pasos a nivel dos Praceres, "crónica dunha decisión anunciada" para Mosquera
Por Natalia Puga |