O martes asinarán o convenio para a ampliación do IES Aquis Celenis
Por Redacción
O próximo martes pola tarde firmarase o convenio entre a Consellería de Cultura, Educación e Universidade e o Concello de Caldas de Reis para a ampliación do Instituto IES Aquis Celenis.
Segundo informou este venres o alcalde Juan Manuel Rey, de acordo cos informes favorables dos servizos técnicos municipais, confía que "nesta ocasión a sinatura do convenio supoña que a Consellería inicie a licitación da redacción do proxecto básico e de execución para posteriormente licitar as propias obras".
Rey asegurou que "esta é unha proposta que fixen á Consellería no ano 2018, polo que o Concello comprométese tamén agora a colaborar en todas as fases deste proxecto que permita a súa execución no prazo máis breve posible".
Neste senso, o Concello prevé bonificar o 95% do imposto municipal de construcións, instalacións e obras, e contribuirá a mellorar os accesos ao Instituto para garantir a seguridade do alumnado e a ampliar as zonas de aparcamento.
O alcalde celebrou que "nesta lexislatura quedará totalmente solucionado un proxecto esencial para a xuventude de Caldas e da súa comarca, xa que permitirá mellorar e ampliar a oferta educativa de Secundaria, Bacharelato e tamén de Formación Profesional".
Relacionadas:
-
O Concello de Caldas de Reis valora positivamente o anteproxecto da ampliación do Instituto Aquis Celenis
Por Oskar Viéitez |
-
A Xunta investirá arredor de 3,5 millóns na ampliación do instituto Aquis Celenis
Por Redacción |
-
Juan Manuel Rey dará conta no próximo pleno dos cinco convenios a asinar coa Xunta
Por Redacción |
-
Caldas ofrece colaboración á Xunta para facilitar a ampliación do IES Aquis Celenis
Por Redacción |
-
Román Rodríguez anuncia a ampliación do instituto Aquis Celenis en Caldas de Reis
Por Oskar Viéitez |