Marín quere que o Enterro da Sardiña sexa festa de interese turístico de Galicia
Por Redacción
O goberno municipal de Marín vaise a dirixir á Xunta de Galicia para solicitar a declaración do Enterro da Sardiña, o evento máis emblemático do seu entroido, como festa de interese turístico de Galicia.
Marín iniciará estes trámites a raíz da solicitude do Ateneo Santa Cecilia, a entidade cultural que se encarga da organización desta festa.
A Lei de Turismo de Galicia é que se encarga de dar luz verde a estas declaracións, en función de, entre outros, a antigüidade, a singularidade e o arraigo que a festa ten na veciñanza do lugar, así como todas as actividades promocionais que se organizan en torno a ela.
De xeito concreto, a festa ten que ter máis de 20 anos, celebrándose periodicamente e en datas facilmente determinables.
Ademais, debe conter aspectos orixinais e de calidade que as singularicen respecto a outras similares que poidan ter lugar noutras localidades e contar cun carácter participativo da poboación local.
Para o Concello de Marín, o Enterro da Sardiña reúne toda as condición establecidas no decreto autonómico para a súa declaración como festa de interese turístico de Galicia e agarda unha resposta positiva do executivo autonómico.
Relacionadas:
-
Festas infantís, animación e exposicións no Entroido 2022 de Marín
Por Redacción |
-
O Entroido de Cuntis recupera o desfile con distancia de seguridade, máscara e 3.000 euros en premios
Por Redacción |
-
O Entroido celebrarase en Bueu con actividades reducidas e sen enterros
Por Redacción |
-
Suspendido o Enterro da Sardiña de Marín
Por Redacción |
-
O Ateneo Santa Cecilia celebra os seus 68 anos de existencia
Por Redacción |
-
O entroido de Marín enterra a súa Sardiña
Por Diego Torrado |