Repunte de afectados por coronavirus na área sanitaria, con 32 novos casos activos para un total de 425
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Despois de dúas xornadas de incremento moderado de pacientes afectados de coronavirus na área sanitaria de Pontevedra e O Salnés (16 o mércores e 11 o xoves), as cifras oficiais ofrecidas pola Consellería de Sanidade este venres 3 de abril ofrecen un repunte nos datos locais, con 32 casos activos máis nas últimas 24 horas para facer un total de 425.
Ante esta situación medra lixeiramente a cifra de hospitalizados en planta, con 95 casos (13 no Hospital do Salnés), mentres que os ingresados na Unidade de Coidados Intensivos seguen sendo 19. O resto de diagnosticados, 311, permanecen nos seus domicilios.
Por outra banda nas últimas 24 horas non se produciron defuncións asociadas ao Covid-19 na área sanitaria pontevedresa, mantendo en nove a cifra de falecidos desde o inicio da crise.
En canto ás altas hospitalarias, son xa 39 os pacientes que conseguiron superar a enfermidade tras un incremento de 7 persoas nas últimas horas.
A nivel autonómico modérase o incremento de casos rexistrados, xa que segundo informa a Dirección Xeral de Saúde Pública da Consellería de Sanidade, na última actualización, o número de afectados por coronavirus en Galicia ascende a 4.635 (+256). Deles 990 son da área da Coruña, 533 da de Lugo, 694 da de Ourense, 1.049 da área de Vigo, 675 da de Santiago, e 269 da de Ferrol.
Do total de pacientes positivos, 176 permanecen en UCI, 870 están en unidades de hospitalización e 3.589 no domicilio. Por agora, en Galicia rexistráronse 435 altas de pacientes e 149 falecementos.
O número de PCR realizadas é de 23.324.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.
O Sergas ten ao dispor da cidadanía unha páxina web (https://coronavirus.sergas.es), na que se pode consultar información dirixida á poboación, aos profesionais sanitarios e a outros colectivos.
Relacionadas:
-
Falece o primeiro paciente por coronavirus no Hospital do Salnés, elevando a 10 a cifra de mortes na área sanitaria
Por Diego Espiño |
-
Un día con só 7 novos positivos por coronavirus e 17 altas de pacientes na área sanitaria
Por Natalia Puga |
-
Un novo falecido e 12 altas de pacientes de coronavirus na área sanitaria, que rexistra un total de 393 casos activos
Por Diego Espiño |
-
VIDEO.- O hospital Domínguez despide entre aplausos os dous primeiros pacientes con coronavirus de alta
Por Natalia Puga |
-
O Hospital Naval de Marín, unha "alternativa" para 100 pacientes leves de coronavirus en caso de colapso
Por Natalia Puga |
-
Dous novos falecidos por coronavirus na área sanitaria, que alcanza as oito vítimas mortais e 366 positivos
Por Natalia Puga |
-
Os casos activos de coronavirus na área sanitaria ascenden ata os 348
Por Diego Espiño |
-
A área sanitaria multiplica as altas por coronavirus, con 12 nas últimas 24 horas
Por Diego Espiño |