Falece o primeiro paciente por coronavirus no Hospital do Salnés, elevando a 10 a cifra de mortes na área sanitaria
Por Diego Espiño
A cifra de falecidos polo COVID-19 na área sanitaria subiu ata as 10 persoas despois de que nas últimas horas se rexistrara a primeira morte relacionada con este virus no Hospital do Salnés.
Segundo informa a Consellería de Sanidade trátase dun home de 76 anos que presentaba patoloxías previas.
Polo demais en Pontevedra e O Salnés permanecen activos 457 casos de coronavirus, o que supón un incremento moderado de 13 casos mantendo a tendencia das últimas xornadas. Deles 98 están hospitalizados (1 menos), con 84 ingresos en planta (10 no Salnés e 1 no Hospital QuirónSalud Miguel Domínguez).
No que respecta a a Unidade de Coidados Intensivos, a presión sobre a UCI baixou ao contar con 4 pacientes menos que o domingo, con 14 persoas. O resto de casos, 359, permanecen illados nos seus domicilios.
Así mesmo nas últimas 24 horas déronse 2 altas hospitalarias, situando esta estatística nos 63 pacientes curados desde o inicio da pandemia.
A nivel autonómico a Dirección Xeral de Saúde Pública informou que na última actualización o número de casos de coronavirus en Galicia ascende a 5.342 (+167), dos que 1.071 son da área da Coruña, 563 da de Lugo, 992 da de Ourense, 1.081 da área de Vigo, 871 da de Santiago, e 307 da de Ferrol.
Do total de pacientes positivos, 168 permanecen en UCI, 939 están en unidades de hospitalización e 4.235 no domicilio. Por agora, en Galicia rexistráronse 610 altas de pacientes e 199 falecementos.
O número de PCR realizadas é de 30.002.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.
O Sergas ten ao dispor da cidadanía unha páxina web (https://coronavirus.sergas.es), na que se pode consultar información dirixida á poboación, aos profesionais sanitarios e a outros colectivos.
Relacionadas:
-
Baixa por segundo día consecutivo a cifra de hospitalizados por coronavirus na área sanitaria, con 96 persoas ingresadas
Por Diego Espiño |
-
Así evoluciona a curva do coronavirus na área sanitaria de Pontevedra
Por Oskar Viéitez |
-
A área sanitaria suma 12 novos positivos por coronavirus nun día e mantense en 99 hospitalizados
Por Natalia Puga |
-
Un día con só 7 novos positivos por coronavirus e 17 altas de pacientes na área sanitaria
Por Natalia Puga |
-
Repunte de afectados por coronavirus na área sanitaria, con 32 novos casos activos para un total de 425
Por Diego Espiño |
-
Un novo falecido e 12 altas de pacientes de coronavirus na área sanitaria, que rexistra un total de 393 casos activos
Por Diego Espiño |