O PP denuncia o impacto para a mocidade de Pontevedra da paralización do Plan de Práctica Laboral da Deputación
Por Redacción
O grupo provincial do PP cargou este xoves contra a actuación da Deputación Provincial de Pontevedra en relación co Plan de Práctica Laboral en Empresas, un proxecto que considera un "fracaso estrepitoso" porque ao longo dos anos 2017 e 2018 a institución provincial "deixou tirados a centos de mozos da provincia" que contaban con este plan para ter unha primeira oportunidade laboral acorde coa súa formación.
O voceiro provincial do PP, Ángel Moldes, e o deputado Santiago Rodríguez Davila explicaron este xoves nunha rolda de prensa que nas últimas semanas e meses os integrantes do seu grupo recibiron numerosas chamadas de empresarios e mozos expectantes por que a Deputación convocase o Plan de Prácticas Laborais en Empresas, un programa do que destacan que cando gobernaba o PP "era un éxito total" con centos de titulados que conseguiron un traballo na súa área de formación e que, en moitos casos, continúan traballando nas empresas adscritas ao plan.
Moldes recordou que en 2017 a Deputación non convocou o plan e en 2018, pese a convocalo nun primeiro momento, suspendeuno sete meses despois. O resultado é que "levamos dous anos consecutivos sen que persoas novas e preparadas da provincia poidan atopar a súa primeira oportunidade laboral" en empresas con plans da Deputación. Foron 400 bolsas perdidas en 2017 e outras 400 en 2018.
O voceiro do PP tamén lamentou que coa paralización deste plan o Bipartito deixa de investir 8 millóns de euros, entre 2017 e 2018, no emprego xuvenil da provincia mentres que Santiago Rodríguez insistiu en que coa paralización do Plan de Práctica Laboral en Empresas e Entidades, "a Nova Deputación deixa tirados a centos de mozos da provincia".
Rodríguez explicou ademais que durante as últimas semanas preguntou repetidamente tanto en comisións como en pleno sobre a paralización deste plan e a única contestación do Bipartito foi "a calada por resposta", polo que ademais da incapacidade de xestión, demóstrase o "oscurantismo e a ocultación" do goberno de Carmela Silva.
Relacionadas:
-
O programa de emprego herdeiro do Plan de Práctica Laboral da Deputación dará traballo a 108 mozos
Por Redacción |
-
A Deputación aproba as bases do novo programa de emprego que substitúe ao Plan de Práctica Laboral
Por Redacción |
-
O Concello de Bueu contratará 28 persoas para cooperar nas obras e servizos municipais
Por Redacción |
-
Novas Xeracións acusa á Deputación de "facer falsas promesas co emprego xuvenil"
Por Oskar Viéitez |
-
CCOO denuncia irregularidades na contratación de bolseiros na Deputación e Carmela Silva négao
Por Diego Espiño |
-
O PP critica que a Deputación "só vende fume" xa que non ten "obras propias"
Por Redacción |
-
Máis de 140 novos bolseiros chegan aos concellos e á Deputación
Por Redacción |
-
A Deputación presenta unha nova convocatoria do Plan de práctica laboral en empresas da provincia
Por Paula Sanmartín & Oskar Viéitez |