O conselleiro de Industria asegura que "Elnosa está nunha situación moi similar á que se encontra Ence"
Por Oskar Viéitez
O conselleiro de Economía e Industria, Francisco Conde, asegurou que "Elnosa está nunha situación moi similar á que se encontra Ence".
Trátase dun primeiro paso nas reclamacións formuladas polo comité de empresa de Electroquímica do Noroeste SA (Elnosa), que esixiu á Xunta e ao Partido Popular o mesmo trato legal e político que está a recibir Ence, despois do apoio explícito do PP en Pontevedra á continuidade da pastera en Lourizán.
Francisco Conde non chegou a apoiar explicitamente a continuidade da clorera pero si que dixo que "Elnosa ten que cumprir a normativa ambiental" que vén marcada pola Unión Europea e engadiu que "loxicamente, calquera obxectivo de permanencia na ría ten que pasar polo cumprimento da normativa ambiental".
Deste modo o conselleiro de Industria obvia o acordo asinado entre a empresa portuguesa CUF, propietaria da fábrica pontevedresa, e o exconselleiro de Medio Ambiente, Agustín Hernández, que esixía o cesamento de xeito "improrrogable" da actividade de Elnosa na ría de Pontevedra a finais do 2016.
"No Goberno temos unha posición moi clara, que trasladamos en diferentes momentos, que é unha aposta pola industria e polo emprego. Neste sentido calquera obxectivo de permanencia na ría tanto de Ence coma de Elnosa pasa, en primeiro lugar e dunha forma taxativa, polo cumprimento estrito da normativa ambiental que ten que cumprir calquera empresa", sinalou o conselleiro Francisco Conde.
Relacionadas:
-
Os traballadores de Elnosa ampáranse na eliminación de emisións de mercurio para que a fábrica siga en Lourizán
Por Mónica Patxot & Anxo Lourido |
-
O alcalde rexeita unha entrevista coa dirección de Elnosa porque "non hai nada de que falar"
Por Redacción |
-
O goberno local cualifica de "crime contra a Ría de Pontevedra" a solicitude de prórroga presentada por ENCE
Por Oskar Viéitez |
-
Defensa da Ría acusa á Xunta de "dobregarse aos intereses de Elnosa"
Por Oskar Viéitez |
-
O Concello critica que "nin Fraga se atreveu a tanto" como a Xunta actual ao equiparar a situación de ENCE e Elnosa
Por Natalia Puga |
-
Os traballadores de Elnosa protestarán na campaña electoral do PP para reclamar a súa permanencia na ría
Por Redacción |
-
Ethel Vázquez asegura aos traballadores de Elnosa que contribuirá a "conservar os postos de traballo"
Por Redacción |
-
A permanencia de Ence dependerá da súa "apuesta" por "beneficiar muy directamente" á cidade
Por Oskar Viéitez |