Deteñen un pontevedrés que deixou un regueiro de colectores queimados pola cidade
Por Redacción
Unha actuación conxunta das policías Local e Nacional de Pontevedra permitiu deter na madrugada do martes 23 ao mércores 24 un veciño da cidade como presunto responsable de ter queimado polo menos catro colectores de rúas do centro.
O home, de 57 anos, foi arrestado na confluencia das rúas Cobián Roffinac e Benito Corbal despois de presuntamente plantar lume a colectores de recollida selectiva de papel das rúas Peregrina, Cobián Roffignac e avenida de Vigo e provocado incidentes que obrigar a intervir a efectivos do Corpo de Bombeiros de Pontevedra.
Segundo informou a Policía Local, dende este Corpo levaban varios días seguindo a pista a unha persoa que se dedicaba a queimar colectores en Pontevedra en horario nocturno. Tras rexistrarse varios incidenes de similares características nos últimos tempos, a madrugada do martes ao mércores estableceuse un dispositivo especial de vixilancia.
No marco do citado dispostivo, reorientáronse algunhas cámaras de vixilancia de tráfico para orientalas cara a determinados colectores e estableceuse unha estreita vixilancia sobre as zonas onde podería actuar o autor dos actos vandálicos. Froito deste operativo, sobre as 6.00 horas tívose constacia da posible presenza dun individuo sospeitoso na rúa Cobián Roffignac.
Grazas ás imaxes das cámaras e á descrición achegada por unha persoa que presenciou como unha persoa plantaba lume nun colector, seguiron os pasos ao presunto vándalo. Finalmente, unha patrulla da Policía Nacional deulle alcance, detívoo e trasladouno á Comisaría Provincial.
As investigacións realizadas ata o momento permiten atribuírlle este home, veciño de Pontevedra, a responsabilidade de ter queimado catro colectores na mesma madrugada, pero estase a investigar se se trata da mesma persoa que puido haber actuando de forma similar en noites anteriores.
Na madrugada do martes ao mércores, os Bombeiros de Pontevedra tiveron que desprazarse a cinco puntos distintos da cidade para sufocar incendios. O primeiro dos lumes produciuse sobre as 5.45 horas da madrugada nunha papeleira da rúa Peregrina. Unha vez que se desprazaron a sufocar as chamas, empezaron a recibir alertas sucesivas por incendios noutras partes da cidade nas rúas Cobián Roffignac, Daniel de la Sota, Peregrina e avenida de Vigo -á altura da Delegación Territorial de Sanidade-.
Relacionadas:
-
A tratamento psiquiátrico durante dous anos por prender lume a colectores da cidade
Por Alejandro Espiño |
-
Detido por terceira vez pola queima de colectores no centro da cidade
Por Diego Espiño |
-
Quen queima os colectores en Pontevedra?
Por Diego Torrado |
-
Ingreso psiquiátrico para o acusado de queimar colectores de papel por toda a cidade
Por Redacción |
-
Realizan un informe psiquiátrico ao detido por unha ondada de incendios en colectores
Por Natalia Puga |
-
Un pontevedrés, detido por segunda vez en apenas dez días, por queimar varios colectores
Por Redacción |
-
Queiman papeleiras e colectores en cinco puntos da cidade na mesma madrugada
Por Redacción |