Realizan un informe psiquiátrico ao detido por unha ondada de incendios en colectores
Por Natalia Puga
O veciño de Pontevedra de 57 anos detido o 24 de decembro e o 4 de xaneiro tras ser 'pillado' in fraganti prendendo lume a colectores da cidade foi sometido este luns a un informe psiquiátrico no Hospital Provincial de Pontevedra para determinar se presenta algunha patoloxía.
Os investigadores que levan o caso barallan como hipótese que o home presente algún tipo de enfermidade psiquiátrica que lle levase á súa conduta infractora, de aí que este luns, antes do seu paso a disposición do Xulgado de Garda, fose derivado ao hospital.
A súa detención en ambas as dúas ocasións foi froito de intervencións conxuntas das policías Local e Nacional de Pontevedra e atribuíronselle, ata o momento, unha decena de incendios noutros tantos colectores.
A súa última actuación rexistrouse na madrugada deste domingo. Varias persoas avisaron a Policía da queima de varios colectores de papel e a Policía Local logrou detectalo coas cámaras de tráfico das que dispón a Xefatura da Policía Local. Atribúenselle ese día catro incendios distintos nas rúas Fernández Ladreda e Alcalde Hevia e a avenida de Vigo.
O 24 de decembro fora arrestado na confluencia das rúas Cobián Roffinac e Benito Corbal despois de presuntamente plantar lume a colectores de recollida selectiva de papel das rúas Peregrina, Cobián Roffignac e avenida de Vigo. Tras pasar a disposición xudicial, quedou en liberdade con cargos.
Segundo informou a Policía Local, dende este corpo levaban varios días seguindo a pista a unha persoa que se dedicaba a queimar colectores en Pontevedra en horario nocturno. Tras rexistrarse varios incidentes de similares características nos últimos tempos, a madrugada do martes ao mércores estableceuse un dispositivo especial de vixilancia.
Relacionadas:
-
Ingreso psiquiátrico para o acusado de queimar colectores de papel por toda a cidade
Por Redacción |
-
Un pontevedrés, detido por segunda vez en apenas dez días, por queimar varios colectores
Por Redacción |
-
Deteñen un pontevedrés que deixou un regueiro de colectores queimados pola cidade
Por Redacción |
-
Queiman papeleiras e colectores en cinco puntos da cidade na mesma madrugada
Por Redacción |