Un pontevedrés, detido por segunda vez en apenas dez días, por queimar varios colectores
Por Redacción
Unha operación conxunta entre a Policía Nacional e a Policía Local de Pontevedra permitía deter, o pasado 24 de decembro, a un home de 57 anos como presunto autor da queima de varios colectores de papel e papeleiras en cinco puntos diferentes da cidade. Apenas dez días despois, segundo informa a Policía Local, o pirómano volveu actuar e, desta volta, foi atrapado in-fraganti, tras ser detectado polas cámaras de tráfico.
Esta segunda detención ten a súa orixe na madrugada deste domingo. Varias persoas avisaron á Policía Local da queima de varios colectores de papel, concretamente á altura do número 5 da rúa Fernández Ladreda.
Coas cámaras de tráfico das que dispón a Xefatura da Policía Local de Pontevedra detectouse a presenza, de novo, da mesma persoa detida o primeiro día. Estaba nas inmediacións do colector queimado, o que puxo en alerta ás patrullas da Policía Nacional e da Local.
A partir das dez da mañá producíronse novos avisos na rúa Alcalde Hevia, a primeira na esquina con Manuel Leiras Pulpeiro e a segunda na confluencia con Fernández Ladreda. Alí, varias testemuñas identificaron ao autor das queimas, facilitando a descrición do mesmo.
Unha hora máis tarde, contra as once da mañá, o pirómano volveu actuar. Desta volta foi na Avenida de Vigo, concretamente á altura do Instituto Frei Martín Sarmiento. Foi alí onde, desprazadas varias patrullas da Policía Local, lograron deter ao autor das queimas.
Relacionadas:
-
Detido por terceira vez pola queima de colectores no centro da cidade
Por Diego Espiño |
-
Denuncian un grupo de menores como autores da queima de colectores na cidade
Por Redacción |
-
Ingreso psiquiátrico para o acusado de queimar colectores de papel por toda a cidade
Por Redacción |
-
Realizan un informe psiquiátrico ao detido por unha ondada de incendios en colectores
Por Natalia Puga |
-
Deteñen un pontevedrés que deixou un regueiro de colectores queimados pola cidade
Por Redacción |
-
Queiman papeleiras e colectores en cinco puntos da cidade na mesma madrugada
Por Redacción |