Denuncian un grupo de menores como autores da queima de colectores na cidade
Por Redacción
Unha viandante observou durante a noite deste domingo 6 como un grupo de adolescentes queimaban un colector de reciclaxe de papel e cartón situado no enlace das rúas Joaquín Costa e José Casal.
A muller declarou ante os axentes da Policía Local que un pequeno grupo de mozos de entre 14 e 15 anos se aproximara ao recipiente sobre as 22.00 horas deste domingo e lle prendían lume para despois escapar correndo da zona. O incendio causou unha notable fumareda na zona e a alarma dos veciños.
Unha dotación de bombeiros tivo que desprazarse ata o lugar para sufocar as lapas e impedir que puidese propagarse o lume ao resto de colectores situados arredor.
Posteriormente, os bombeiros volveron ter outra saída. Nesta ocasión ata a avenida de Vigo para sufocar un novo lume noutros colectores da zona, segundo informaron dende o Parque de Pontevedra.
Xa durante a madrugada do domingo, no centro histórico, uns mozos prenderan lume a unhas balas de palla situadas na zona para ambientar a Feira Franca. Neste caso, tamén a rápida intervención dos bombeiros impediu que o incendio afectase ás vivendas próximas.
Relacionadas:
-
Prenden lume a tres colectores de papel preto da Xunta
Por Diego Torrado |
-
Quen queima os colectores en Pontevedra?
Por Diego Torrado |
-
Un pontevedrés, detido por segunda vez en apenas dez días, por queimar varios colectores
Por Redacción |
-
Queiman papeleiras e colectores en cinco puntos da cidade na mesma madrugada
Por Redacción |