Queiman papeleiras e colectores en cinco puntos da cidade na mesma madrugada
Por Redacción
Os Bombeiros de Pontevedra tiveron que desprazarse ao longo da madrugada a cinco puntos distintos da cidade para sufocar incendios declarados coas mesmas características: afectaron a papeleiras e colectores de papel e a súa orixe foi, segundo todos os indicios, intencionada.
Segundo informaron dende o Corpo de Bombeiros de Pontevedra, o primeiro dos lumes produciuse sobre as 5.45 horas da madrugada do martes 23 ao mércores 24 nunha papeleira da rúa Peregrina. Unha vez que se desprazaron a sufocar as chamas, empezaron a recibir alertas sucesivas por incendios noutras partes da cidade.
Os outros catro lumes afectaron xa a colectores de recollida selectiva de papel e non a papeleiras. A serie produciuse, cronoloxicamente, nas rúas Cobián Roffignac, Daniel de la Sota, Peregrina e avenida de Vigo -á altura da Delegación Territorial de Sanidade-.
Os primeiros indicios apuntan a que se tratou de lumes intencionados e a Policía Local de Pontevedra púxose sobre a pista do sucedido.
Relacionadas:
-
Quen queima os colectores en Pontevedra?
Por Diego Torrado |
-
Denuncian un grupo de menores como autores da queima de colectores na cidade
Por Redacción |
-
Ingreso psiquiátrico para o acusado de queimar colectores de papel por toda a cidade
Por Redacción |
-
Realizan un informe psiquiátrico ao detido por unha ondada de incendios en colectores
Por Natalia Puga |
-
Un pontevedrés, detido por segunda vez en apenas dez días, por queimar varios colectores
Por Redacción |
-
Deteñen un pontevedrés que deixou un regueiro de colectores queimados pola cidade
Por Redacción |